Re: ENVÍOS DE PERECEDEROS

**Xuan** Vie Oct 08, 2010 6:53 pm

Susana escribió:Pa mín que voi apuntame a eso de la riestra. Un bon mogollón d'elles de güelpe diben poneme la dieta del inviernu bien d'encebollada, como a una-y presta. Valme pa esta próxima cestina o pa la qu'entra, si resulta tarde pa andar faciendo encargos.

Xuan, ¿quies que t'apurra d'ella unes cuantes? Ya partimos como a tí te venga meyor, yo pídola, en principiu, entera y verdadera pa mí sola, pero toi dimpuesta a negociar una porción.

De momento, voi ver si me apaño coles de la cestina, agora que va traer dalguna más. Más alantre, si sigo andando escasu, ya vemos a ver...

Rocío Lun Oct 11, 2010 11:01 am

Este mensaje ye pa comentavos que en La Cestina de güey se incluye de balde una botellina de vinagre casero aromatizao a los frutos rojos que fice la semana pasada. A tener en cuenta que, al tar recien fecho, hay que ponelo en sitiu soleo, pa favorecer el proceso químico, durante tres semanas a partir de la fecha de la etiqueta, antes de consumilo. Espero que vos preste como aliño de ensaladas varias.
Otra cosa, me diz mi madre que también van dos encargos: unas riestras de cebollas pa Susana y Almudena y también unos kilos de remolacha roja, pa faer en conserva, de Xuan y Susana. El contenido normal de Las Cestinas non lo revela y el precio son 12 euros.
Si alguien quier faer encargo de patatas pa más alantre que apunte aquí el nombre y los kilos...de patatas, claro.

**Xuan** Mar Oct 19, 2010 2:38 am

Una cosa, chavales

La prósima cestina tocaba pal 1 Payares, pal día los difuntos. Esi fin de selmana Antón y Araceli nun van venir pa la güerta, colo cual nun van poder servir cestina.

Me manden que me digáis cómo queréis facer, si adelantala al 25 ochobre, o retrasala al 8 payares.

Decime a ver cómo facemos.

Susana Miér Oct 20, 2010 1:51 pm

A mín veníame más posao retrasalo pal siguiente llunes, el 8 de payares. Pero si tais cortos de vitualla y vos paez muncho esperar, recíboles la selmana que vien encantada.

**Xuan** Vie Oct 22, 2010 12:56 am

Buenes, moces y mozos

La gran mayoría comentábeis que meyor recibíemos cesta pa la selmana siguiente a tolos santos. Ya aviso pa que Araceli mos tenga en cuenta pa entós.

Susana Lun Oct 25, 2010 8:38 pm

Pensélo delles vegaes y escaecíaseme siempre el comentalo.
Rocío, vaya detallazu el del vinagre, menudu curro el facer pa toos. Prestóme pela vida, toi esperando pacientemente ensin atacalu hasta que termine de macerar y tea nel puntu xustu. Cuéstame, nun creas, ta poniendose d'un collorín mui guapu. Téngulu d'exposición na cocina, fardo una barbaridá...
Gracies mil.
(envase retornable, por si un día pienses voi poneme a facer otro poco y resulta que nun tienes botelles...)

Rocío Mar Nov 02, 2010 1:37 pm

Susana escribió:Pensélo delles vegaes y escaecíaseme siempre el comentalo.
Rocío, vaya detallazu el del vinagre, menudu curro el facer pa toos. Prestóme pela vida, toi esperando pacientemente ensin atacalu hasta que termine de macerar y tea nel puntu xustu. Cuéstame, nun creas, ta poniendose d'un collorín mui guapu. Téngulu d'exposición na cocina, fardo una barbaridá...
Gracies mil.
(envase retornable, por si un día pienses voi poneme a facer otro poco y resulta que nun tienes botelles...)

Susana, alégrome que te prestara!. Ahora ya ye momento de probalu, así que espero que me digáis qué tal vos sabe. Por cierto, puede gastase así o colalo pa que té más limpio, al gusto.
El envase ye retornable pero non corre priesa devolvelo, aunque puede fadese una prueba con cítricos...

Rocío Mar Nov 02, 2010 1:43 pm

De parte de Antón y Araceli: en esta cestina va un kilo de castañas de paré, muy ricas y sabrosas pa cualesquier receta. Ahora bien, si algún necesita más pa fader llambionadas que avise porque tamos nel meyor momento del rebusque.

**Xuan** Mar Nov 02, 2010 9:14 pm

Rocío escribió:De parte de Antón y Araceli: en esta cestina va un kilo de castañas de paré, muy ricas y sabrosas pa cualesquier receta. Ahora bien, si algún necesita más pa fader llambionadas que avise porque tamos nel meyor momento del rebusque.

Yo nel casu les castañes cuento con tar servíu, con un poco suerte esti fin de selmana...

De toes maneres, mando un correín a tol mundiu, pa que tea avisáu, y con tolo que ta agora pendiente.

fran Jue Nov 04, 2010 1:57 pm

Contad con nosotros esta vez para la cesta.

Susana Jue Nov 04, 2010 8:31 pm

Esta vuelta hai un cestu menos pa Pedro pablo. Nun sé si tamos a tiempu de restala. Si ye que non, nun tenemos problema en repartila.

**Xuan** Jue Nov 04, 2010 11:08 pm

Susana escribió:Esta vuelta hai un cestu menos pa Pedro pablo. Nun sé si tamos a tiempu de restala. Si ye que non, nun tenemos problema en repartila.

Ya aviso a Araceli. Cuento con que nun haya problema en que reste una cestina

Rocío Sáb Nov 06, 2010 2:21 pm

Xuan escribió:
Susana escribió:Esta vuelta hai un cestu menos pa Pedro pablo. Nun sé si tamos a tiempu de restala. Si ye que non, nun tenemos problema en repartila.

Ya aviso a Araceli. Cuento con que nun haya problema en que reste una cestina

Non hay problema con el número de cestus deste llunes, serán nueve y dos docenas de güevos pa los que encargaron. El contenido: castañas de paré, puerros, cebollas, zanahorias, remolachas, repollo, berzas y acelgas. Todo por 12 euros.

**Xuan** Lun Nov 29, 2010 7:32 pm

Nenos y neñes, ya tan equí les cestes del llunes. El preciu la cesta, 12 eurinos.

Comentome Araceli un par de cosines:

1.- Con esta cesta, la remolacha ye la cabera la temporada.
2.- Pa la prósima cesta, ufierta nueces tamién. Les vende aparte de la cesta la verdura, a 5 euros el kilu

Un saludín

Susana Lun Nov 29, 2010 8:28 pm

¿Acábense les remolaches? Noooo! pale

Susana Dom Dic 12, 2010 12:48 am

Pal próximu cestu, si hai manera, aputábame a una docena de güevos de verdá d'ésos que nos consigue Araceli.

**Xuan** Jue Ene 06, 2011 11:36 pm

Moces y mozos,

Namás ye pa recordavos que pal llunes 10 toca cestina. Tovía nun sé lo que va llevar esta vegada. En cuantes sepa daqué, vos cuento.

Vos recuerdo un par de cosines...

- Si daquién nun pue garrar cesta esti llunes, por favor, avisa-y

- Alcordavos que al garrar la bolsa nuea toca retornar la vieya

- Ta pendiente el tema de la reunión d'aniversariu de la Cestina. A mi paezme una cosa guapina, si a la xente-y presta, pero tampoco nun ye cuestión d'emperrase en facela si a la xente nun-y vien bien. Por eso, y polo que supón axenciase un sitiu pa reunise, ye importante saber cuántos somos, y si mos presta facelu. Por favor, contesta-y nel tema que ta abiertu, y lo falamos a ver.

Reenvío esti mensaxe a los correos privaos, pa los perezosos...

Rocío Miér Ene 12, 2011 12:28 am

Este post ye en nombre de los mis pas y en el mío propio:
"Las marañuelas tan que se salen y las galletinas, en dos palabras, in-superables" ¡Puxa esos reposteros buenos!

**Xuan** Miér Ene 12, 2011 12:47 am

Rocío escribió:Este post ye en nombre de los mis pas y en el mío propio:
"Las marañuelas tan que se salen y las galletinas, en dos palabras, in-superables" ¡Puxa esos reposteros buenos!

Si cuando digo yo que esti grupu ye más que nada una reciella fartones a los que-yos presta comer de lo bono...

**Xuan** Jue Ene 27, 2011 3:47 am

Moces y mozos,

Namás ye pa recordavos que pal llunes 31 toca cestina. Tovía nun sé lo que va llevar esta vegada. En cuantes sepa daqué, vos cuento.

Vos recuerdo unes cosines...

- Si daquién nun pue garrar cesta esti llunes, por favor, avisa-y

- Alcordavos que al garrar la bolsa nuea toca retornar la vieya

- Pal tema la reunión de la Cestina, alcorda-yvos d'apuntavos los que queráis dir y tovía nun vos apuntárais, pa saber cuántos somos. Ta pendiente confirmar el tema del centru del Llanu. Susana mos contará en cuantes sepa

- Si queréis güevos, avisá-y. Araceli los vende (nun son suyos, sinon d'una vecina) a tres euros docena.

- Agora mesmu tan abiertos los pedíos del aceite, les naranxes y el cava. Teníamos el tema un poco paráu, pero a ver si lo animamos un puquiñín

Hala, a depurar eses recetes d'inviernu...

Reenvío esti mensaxe a los correos privaos, pa los perezosos...

Susana Jue Ene 27, 2011 1:22 pm

Apúntome a media docena de güevos si toi a tiempu.

El aula del centru del llanu ta tovía ensin confirmar, nun notificaron. Pa que nun se nos eche el tiempu enriba, voi pasar güei a entrugar a ver cómo va lo nueso.

**Xuan** Vie Feb 18, 2011 7:26 pm

Moces y mozos,

Namás ye pa recordavos que pal llunes 21 toca cestina.

Vos recuerdo unes cosines...

- Si daquién nun pue garrar cesta esti llunes, por favor, avisa-y

- Alcordavos que al garrar la bolsa nuea toca retornar la vieya

- Pal tema la reunión de la Cestina, ye importante organizanos un puquiñín, sobretoo pal tema de ver quien lleva salao y quien dulce, y quien bebida. Si los pinchos nun lleven animalinos nin pexes, Susana lo va agradecer.

- Si queréis güevos, avisá-y. Araceli los vende (nun son suyos, sinon d'una vecina) a tres euros docena. Ya cuento con Fran, mi má y servior, pero nun sé si daquién más quier.

- Agora mesmu tan abiertos los pedíos del aceite, y el cava. De lo del cava tuve falando col productor, y quedó en mandáme los precios. Toi pendiente.

Reenvío esti mensaxe a los correos privaos, pa los perezosos....
Xuan

**Xuan** Miér Mar 09, 2011 7:12 pm

Moces y mozos,

Namás ye pa recordavos que pal llunes 14 toca cestina.

Vos recuerdo unes cosines, lo mesmu de otres vegaes...

- Si daquién nun pue garrar cesta esti llunes, por favor, avisa-y

- Alcordavos que al garrar la bolsa nuea toca retornar la vieya

- Taba guapu subir dalguna foto del otru dii de la reunión. Polo menos, de los pinchos que se llevaron. Almudena y Pablo sacaron fotos, a ver si se animen a subir dalguna. Y ya de pasu, si la xente se apunta a subir la recetina del pinchu en cuestión que ficieron...

- Si queréis güevos, avisá-y. A tres euros docena. Ya cuento con Fran, mi má y servior, pero nun sé si daquién más quier.

- Alcordá-yvos del aceite, que diz Susana que tará llistu el vienres. De los pedíos pendientes, lo del arroz esperaremos a que se apunte daquién más. Y del cava, de momentu lo dexamos pendiente, porque el productor nun me fai casu.

Reenvío esti mensaxe a los correos privaos, pa los perezosos y enemigos de los foros d'interné....
Xuan

**Xuan** Mar Mar 15, 2011 1:53 am

ENVÍOS DE PERECEDEROS - Página 4 Imgp3811

Esta ye la cestina de güei 14 marzu:
- 2 escaroles
- 2 repollos y un repollín
- 1 puñáu berces
- 1 puñáu acelgues
- 1 puñáu nabices
- 1 trozu calabaza
- 3 nabos
- 4 puerros
- 4 cebolles y dalguna chiquitina

Preciu: 10 euros

Les cestes son aprosimadamente iguales. Pue que haya dalguna cestina con menos nabos y más cebolles, por exemplu, según el tamañu les pieces.

Por ciertu, Araceli diz que posiblemente la cestina que vien seya un poco de "transición". Esto ye porque hai dellos productos de inviernu que ya tan menguando, y los de primavera tovía tan a mediu salir. Con un poco suerte, igual hai fabes de mayu, y si el tiempu se porta medianamente bien, podríemos tener los primeros guisantes de la temporada.

Hala, a salivar y cocinar.

Susana Mar Mar 15, 2011 12:26 pm

¿Dalguién va siguir riéndose del mio flan d'escarola? bounce

Solicito información puntual alrodiu del estáu de los arbeyos y les fabes de mayu, pa dir preparando los volaores. Un besu p'Araceli y Antón, lo más pelotilleru posible

Contenido patrocinado

ENVÍOS DE PERECEDEROS