ENVÍOS DE PERECEDEROS

Moces y mozos,

Esti correu ye pa comentavos que pal llunes 28 de xineru tenemos cestina verdures. La entrega la cesta, en CASA PELAEZ Y COMPAÑÍA. Y l'horariu, pues de 17:00-17:30 (depende de cuándo puean venir Araceli y Antón) a 20:30. Si hai quien nun puea pasase en eses hores, avisa-y con tiempu, y ya miramos manera de facer la entrega.

Vos recuerdo un par de cosines, y les novedaes...

- Si daquién nun pue garrar cesta, por favor, avisa-y. Y si hay más pa llevar, tamién.

- Alcorda-yvos que al garrar la bolsa nuea toca retornar la vieya. Comprebar que nun tenéis bolses ensín entregar.

- Si daquién quier güevos, a tres euros la docena, ya sabéis.

OTRA COSINA: PEDIOS EN CURSU:
- Aceite d'Oliva. Caberu dii p'apuntase, martes 29 xineru. Vos recuerdo que ye un pedíu que se fai a un añu vista. Pa los indecisos, vos diré que ye verdá que nun ye un aceite baratu, pero, teniendo en cuenta la calidá del aceite, comprobaréis que nun tien nada que ver colo que circula normalmente pel mercáu. Aparte, esta xente lleven tres años faciendo por respetanos el mesmu preciu de cuando entamamos con ellos, y eso que anden con problemes, porque non tol mundiu paga tan puntualmente como la cestina corporeision...
- Fariña, llenteyes, arroz integral, soya y azúcar. Caberu dii p'apuntase, martes 27 xineru. Tamién ye un pedíu a un añu vista. Nesti casu el proveedor nun ye que seya l'allegría de la güerta, pero los precios son más que competitivos (alcorda-yvos que ye productu ecolóxicu). Me paez especialmente interesante (pa los que nun soléis facer pan y bizcochos habitualmente) lo del azúcar, porque nun tien que ver colo de la tienda, y namás pue atopase cosa del estilu en tiendes de comerciu xustu (pero los precios ehí nun son los mesmos...)
- Pasta. Caberu dii p'apuntase, llunes 28 a les 18:00. Esti ye un casu asemeyáu a lo del aceite. Los precios veréis que nun son los del super. Son más asemeyaos a los precios de la pasta italiana tipo barilla y asemeyáu. Pero, aparte de ser productu ecolóxicu, tien muncho más sabor que la pasta de la tienda...

Queda pendiente el tema los garbanzos. Posiblemente aprovechemos el prósimu pedíu que faigamos de productos del Bierzo, porque Carmen atopó quien mos lo venta a 2,20 euros el kilu (ecolóxicu)

IMPORTANTE: III ANIVERSARIU LA CESTINA INDOOR. Confirmónos Nuria que vamos poder facelu el domingu 17 febreru. El sitiu vos lo confirmo polo priváu. Lo que solemos facer cuando mos reunimos pol inviernu ye que cada ún lleve, a ser posible, dalguna cosa fecha por ellos mesmos, y a ser posible tamién, con productos que garráremos cola cestina. Dempués, si pa encima hai orixinalidá, pues ya ye la de dios. Eso sí, nun hai imposiciones nin regles estrictes, faltaría más. Tan prestosu ye quien apaeza con una tortiella como quien borde la espuma de berza al aroma del quesu cabra y algues del atlánticu.
Lo ideal ye facer coses de bocau, o que almitan comese con bocaos. Y en cuantu a cantidaes, nun vos paseis, que ye una cosa mui fea tirar la comida... Que puea prebalu tol mundiu, eso sí, pero tené-y en cuenta que si somos 30, por exemplu, 30 bocaos ya dan pa una fartura...
Tamién se agradez tener en cuenta sensibilidaes. Nel grupín hai vexetarianos confesos (prubinos) y si daquién ye musulmán o la virxen, que avise. Habrá de too, supongo, pero ta bien que tol mundiu puea prebar de too, non?
Eso sí, pa facenos una idega de cuantos somos y lo que va llevar cada ún, taría vien que mos fuéramos apuntando nel eventu del aniversariu. Basta con decir cuántos vais dir, y si vais llevar daqué dulce, salao, daqué de beber... eses coses.
Lo únicu que ye cuasi obligatoriu ye les ganes d'apuntase a pasar un ratín distendíu, en plan relaxáu, pa conocenos un poco toos, echar unes rises y disfrutar de estes coses, que presten pola vida...

Moces y mozos,

Esti correu ye pa comentavos que pal llunes 18 de febreru tenemos cestina verdures. La entrega la cesta, en CASA PELAEZ Y COMPAÑÍA. Y l'horariu, pues de 17:00-17:30 (depende de cuándo puean venir Araceli y Antón) a 20:30. Si hai quien nun puea pasase en eses hores, avisa-y con tiempu, y ya miramos manera de facer la entrega.

NOTA: Araceli propuso facer la entrega el domingo, aprovechando el pincheo. Yo-y dixe que meyor non, porque diba ser un xaréu de la de dios amestar verdures, con platos, con cacharros... De toles maneres, si hai quien prefiere garralo el domingo, que avise, y lo comento a Araceli.

Vos recuerdo un par de cosines, y les novedaes...

- Si daquién nun pue garrar cesta, por favor, avisa-y. Y si hay más pa llevar, tamién.

- Alcorda-yvos que al garrar la bolsa nuea toca retornar la vieya. Comprebar que nun tenéis bolses ensín entregar.

- Si daquién quier güevos, a tres euros la docena, ya sabéis.

OTRA COSINA: PEDIOS EN CURSU:
- Pasta. Se ta retrasando el pedíu más de lo esperáu. Ta Agueda detrás d’ellos tolos diis, pero esta xente nun se estresa faciendo pasta, non… Paez ser que pa la selmana que vien llegará…
- Naranxes, aguacates, quesos, yogures y vinu. Llegará too el vienres pela tardi. Como esceución, el Blanco LB llegará la selmana que vien, porque taben ensín esistencies embotellaes. Como pa eso somos pocos y el vino nun se pierde, ya tamos en contautu pa facelo llegar.
- Prósimos pedíos: Tenemos pendiente pedir ARROZ THAI, ARROZ DE CALASPARRA y GARBANZOS. Teniendo en cuenta que col tema de la verdura, el pincheu de la cestina, les naranxes, los aguacates, la fariña, los quesos y demás hai quien tamos un poco sobrepasaos, faen falta como el comer VOLUNTARIOS pa organizar esos pedíos. Pa facer d’almacen y distribución yo nun teo torga, y pa recabar xente del soy asturies pa que se axunte a pedir tampoco, pero pa tolo que ye poner el pedíu, facer l’encargu, llevar el seguimiento y demás, vendría bien que se encargue daquién distintu de los que normalmente facemos eses coses…

IMPORTANTE: III ANIVERSARIU LA CESTINA INDOOR. Chavalería, tamos a miércoles y tovía nun sabemos cuántos vamos ser y qué va llevar cada ún… Alcorda-yvos d’apuntavos y poner lo que vais llevar (dulce o salau), que si non ye un xaréu importante… Ya confirmó Nuria l’horariu. Dispondremos del llocal de 12 a 18 hores. La idega ye entamar a comer a la una y picu, y enantes, que haya un tiempo pa que la xente se vaya arrimando, vayamos poniendo les coses, tomando un vinu y demás (sesión vermú). El mozu que conoz Nuria y que mos apurre el llocal ta invitáu a comer, que nun sedrá por falta de comida…
Los que nun podais dir tol ratu, si podéis tar un ratín, polo menos pa venos toos un poco y ponenos cara, nome y sonrisa, sedría la cuenta, que ye de lo que se trata…

NOTA: Mañana xueves 14 febreru hai una reunión nel centru social del Coto, de 7 a 9 la tardi, sobre grupos de Consumu. Me paez que lo organiza xente que ta o tuvu rellacionao col tema del 15M. Taría bien poder pasase, pa facer un poco apoloxía del tema, conocer xente, contautar con xente interesada en participar, xuntu a nos o coordinándose con otros grupos de consumu. Susana nun pue dir y yo mañana curro fasta les 8. Si daquién se pudiera pasar, polo menos pa ver qué tal ta el tema y facese un poco ver, pues sedría la cuenta… Vos pongo la noticia que mos llegó a nos.
https://www.facebook.com/events/133149746854448/

Moces y mozos,

Esti correu ye pa comentavos que pal llunes 11 de marzu tenemos cestina verdures. La entrega la cesta, en CASA PELAEZ Y COMPAÑÍA. Y l'horariu, pues de 17:00-17:30 (depende de cuándo puean venir Araceli y Antón) a 20:30. Si hai quien nun puea pasase en eses hores, avisa-y con tiempu, y ya miramos manera de facer la entrega.

Vos recuerdo un par de cosines, y les novedaes...

- Si daquién nun pue garrar cesta, por favor, avisa-y. Y si hay más pa llevar, tamién.

- Alcorda-yvos que al garrar la bolsa nuea toca retornar la vieya. Comprebar que nun tenéis bolses ensín entregar.

- Si daquién quier güevos, a tres euros la docena, ya sabéis.

OTRA COSINA: PEDIOS EN CURSU:
- ARROZ: Tan Silvia y Angeles col tema. En cuantes tengan el tema resueltu col proveedor pondrán pa que mos vayamos apuntando. Tar pendientes, que dempués quedáis cola gana...

Hala, reenvío esti correu polo priváu.

Un saludín

Moces y mozos
Como comentamos en presona, la prósima cestina nun puede ser dientru de tres selmanes. Tuve entrugando a tol mundiu, y la gran mayoría prefería que la cestina fuera dientru cinco selmanes. Nun había xente bastante siquiera pa facer una "cestina mini" pa los que preferíen a les dos selmanes.

Total, que la próxima cestina sedrá pal 15 d'abril.

Mandaremos avisín la selmana enantes pa tenevos sobre avisu, como siempre.

Un saludín

Moces y mozos,

Dempués de esti paronín de 5 selmanes, vos recuerdo qeu pal llunes 15 de abril tenemos cestina verdures. La entrega la cesta, en CASA PELAEZ Y COMPAÑÍA. Y l'horariu, pues de 17:00-17:30 (depende de cuándo puean venir Araceli y Antón) a 20:30. Si hai quien nun puea pasase en eses hores, avisa-y con tiempu, y ya miramos manera de facer la entrega. Una cosina, si pudiérais pasavos enantes de les 20:00, meyor que meyor, pero si nun podéis polo que seya, nun pasa nada, espero fasta les 20:30

Vos recuerdo un par de cosines, y les novedaes...

- Si daquién nun pue garrar cesta, por favor, avisa-y. Y si hay más pa llevar, tamién.

- Alcorda-yvos que al garrar la bolsa nuea toca retornar la vieya. Comprebar que nun tenéis bolses ensín entregar.

- Si daquién quier güevos, a tres euros la docena, ya sabéis.

OTRA COSINA: PEDIOS EN CURSU:
- ARROZ: Tan Silvia y Angeles col tema. Ta la cosa un poco atascada, porque en dellos productos nun hai cantidá suficiente pa “llenar cupu”. Por esu, si vos animáis a garrar dalguna cosina más, y asina echamos una manina a poder cerrar el pedíu, meyor que meyor. Avisa-y a Silvia.
- AGUACATES: Arrancamos de nueves el pedíu. Supongo que sedrá el caberu la temporada, poles feches que tamos.
-KIWIS: Estrenamos pedíu con esta xente de Agrecoastur. Vamos prebar a ver qué tal.
- QUESU Y YOGURES. Aprovechando la cestina del llunes podemos facer tamién entrega de quesu de cabra y yogures del Bierzu. Apuntá-yvos enantes del xueves a les 14:00

MAS COSINES
- ALCUENTRU OUTDOOR DE LA CESTINA – VERSION VERANIEGA. Deberíemos dir echando un vistacín a esto. Contando que a partir de Xunu ya ye tiempo de vacaciones, podríemos plantegalo pa finales de mayu (26 de mayu, 2 de xunu , por exemplu)

Hala, dir echando un vistacín
Reenvío esti correu polo priváu.

Un saludín

Moces y mozos,

Esti correu ye pa recordavos que pal llunes 27 de mayu tenemos cestina verdures. La entrega la cesta, en CASA PELAEZ Y COMPAÑÍA. Y l'horariu, pues de 17:00-17:30 (depende de cuándo puean venir Araceli y Antón) a 20:30. Si hai quien nun puea pasase en eses hores, avisa-y con tiempu, y ya miramos manera de facer la entrega.

Vos recuerdo un par de cosines, un poco lo habitual...

- Si daquién nun pue garrar cesta, por favor, avisa-y. Y si hay más pa llevar, tamién.

- Alcorda-yvos que al garrar la bolsa nuea toca retornar la vieya. Comprebar que nun tenéis bolses ensín entregar.

- Si daquién quier güevos, a tres euros la docena, ya sabéis.

Dos cosines más... IMPORTANTES
- REUNION DE PRAU ABIERTU, III ALCUENTRU INTERNACIONAL LA CESTINA OUTDOOR. Les previsiones pal domingo son confuses, pero Aemet da un 70% de probabilidá de tormenta pal domingu. Neses condiciones diba ser un poco triste quedar pa dir a la güerta. Vamos posponer la reunión de la cestina na güerta, igual más bien pa finales del vranu, pa la temporada del tomate. Ya lo vamos falando, a ver cómo andáis de feches.
- CESTINA SIGUIENTE 17 XUNU. La siguiente cestina nun vamos poder atendela nin yo nin Susana. Fai falta daquién voluntariu/a que se faiga cargu de recibir les cestes, adelantar el pagu a Araceli y Antón y de tar esa tarde per casa pa repartiles pente la xente. Por favor, a ver quién pue facese cargu esi llunes, porque nin yo nin Susana vamos poder atendela.



Reenvío esti mensaxe a los correos privaos, pa los perezosos......

Moces y mozos

Esto ye la de mi madre. Les previsiones de ayer pal domingu yeren pa echar a correr y les de güei son muncho meyores. Dan nublau con un poco sol....

Total, que caltenemos la xornada na güerta. De toles maneres, el vienres, con una previsión más fiable, concretamos.

Pero conta-y con que, en principiu, SÍ hai alcuentru na güerta Araceli y Antón. Abro apartáu nel foru pa que vos apuntéis y sepamos cuánta xente vamos ser.

Perdoná-y esti xareu coles feches, pero lo del tiempu esti mes ta siendo totalmente cambiante. Y posponer l'alcuentru va dar tanta guerra o más. Yo en xunu nun toi disponible, y xunetu, agostu y setiembre casi tol mundiu tais de vacaciones. Por esu yera el tema de cuadrar feches pa agora...

Reenvío esti correu polo priváu

Buenes, moces y mozos

Mañana llunes me xurdió un asuntu a primera hora la tardi, y calculo que nun voi poder tar per casa pa entregar les cestes fasta dempués de les 18:00

Perdona-y, pero ye que nun doi pa too...

Por ciertu, pa la prósima cestina, se encargará Belén de recibir les cestes y face-y la entrega a tol mundiu. Por favor, tar atentos al foru, pa que nun haya naide despistáu...

CESTINEROS!!!
Como ya sabéis este próximo lunes hay cestina. Desde la huerta me piden que notifique cuántas queréis, así que vamos a hacer una lista rápida con nombre de todos los que vayáis a cogerla. Acordaos que hay riquísimos arbejos, fabinas de mayo, lechugas, espinacas high quality, ajos y otros productos de temporada y que la entrega será en Casa Belén.
Por favor, apuntaros cuánto antes!!!

LISTA:
1. Carmen y César
2.
.
.

Rocío escribió:CESTINEROS!!!
Como ya sabéis este próximo lunes hay cestina. Desde la huerta me piden que notifique cuántas queréis, así que vamos a hacer una lista rápida con nombre de todos los que vayáis a cogerla. Acordaos que hay riquísimos arbejos, fabinas de mayo, lechugas, espinacas high quality, ajos y otros productos de temporada y que la entrega será en Casa Belén.
Por favor, apuntaros cuánto antes!!!

LISTA:
1.
2.
.
.

PRIMEEEERRRRRRR.- CARMEN Y CÉSAR

Hola,
Yo me apunto a las cestina. Supongo que es este lunes 24 no?
Puedo ir a recogerla sobre las 6.30 al salir del trabajo. Lo que pasa es que no sé dónde vive Belén. ¿Me puedes dar la dirección?

Entonces la lista queda así de momento:

1- Carmen y Cesar.
2- Angeles (yo).
......

Saludos.
Angeles

Yo también me apuntaría si aún estoy a tiempo.



1. Carmen y Cesar.
2-Angeles.
3- Elena.
Tampoco sé cuál es la dirección de Belén...

Saludos,Elena

Moces y mozos,

Dempués de mi ausencia en xunu por esos mundios de dios, vois recuerdo que pal llunes 15 de xunetu tenemos cestina verdures. La entrega la cesta, en CASA PELAEZ Y COMPAÑÍA. Y l'horariu, pues de 17:00-17:30 (depende de cuándo puean venir Araceli y Antón) a 20:30. Si hai quien nun puea pasase en eses hores, avisa-y con tiempu, y ya miramos manera de facer la entrega.

Vos recuerdo un par de cosines, un poco lo habitual...

- Si daquién nun pue garrar cesta, por favor, avisa-y. Y si hay más pa llevar, tamién. Ya teo avisu de que Lolo y Maria Jesus nun garren cestina esti llunes.

- Alcorda-yvos que al garrar la bolsa nuea toca retornar la vieya. Comprebar que nun tenéis bolses ensín entregar.

- Si daquién quier güevos, a tres euros la docena, ya sabéis.

Dos cosines más... PEDÍOS EN CURSU
- ACEITE XIRASOL. Tan Silvia y Angeles con ellu. Paez que se ta retrasando más de lo previstu, supongo que pol tema del vranu. En cuantes haya nuncies sol tema, ya mos contarán
- ALGUES. Ta abiertu pedíu pa mercar algues. Echaremos a andar el pedíu pa agosto. Tornaremos a poner la información de tipos de algues y precios. Vos animo a que les prebeis, la otra vegada que les garramos mos salieron la de dios de bien de preciu, y son coses que nun se suelen atopar fácilmente per ehí, y que enriquecen muncho la dieta...
- BONITO. Ya va tiempu que me comentó Paula la posibilidá d'atopar bonito a buen preciu (mui buen preciu) recién pescáu y ya cocíu. Llistu pa facer conserva con ellu pa tol añu. Polo que comentó, casi de xuru sedría pa finales d'agostu-primeros de setiembre. La posibilidá de tener bonitu caseru en conserva pa tol añu nun ye una cosa que se puea rechazar asina de fácil... Paula comentaba que los precios y el día concretu d'entrega nun se diba saber casi fasta el mesmu dii, porque depende de cómo se dea la campaña. Me decía que necesitaba saber cuántes pieces díbemos pedir. Yo ufierto la mi cocina pa facer alcuentru de conserveros, pa quien nun sepa facer conserva bonito o se apunte a montar una pescadería nel pisu. Voi poner estos diis un filu comentando el tema, pa que vayamos apuntándonos.


Reenvío esti mensaxe a los correos privaos, pa los perezosos......

Moces y mozos,

Col buen tiempu que tamos teniendo, malo sedrá que la güerta nun de de sí... Asina que pal 5 d'Agostu tenemos Cestina Verdures. La entrega la cesta, en CASA PELAEZ Y COMPAÑÍA. Y l'horariu, pues de 17:00-17:30 (depende de cuándo puean venir Araceli y Antón) a 20:30. Si hai quien nun puea pasase en eses hores, avisa-y con tiempu, y ya miramos manera de facer la entrega.

Vos recuerdo un par de cosines, un poco lo habitual...

- Si daquién nun pue garrar cesta, por favor, avisa-y. Y si hay más pa llevar, tamién. Ya teo avisu de que Maria Jesus y Susana nun garren cestina esti llunes. Si hai más xente con vacaciones o asina, avisa-y, por favor

- Alcorda-yvos que al garrar la bolsa nuea toca retornar la vieya. Comprebar que nun tenéis bolses ensín entregar.

- Si daquién quier güevos, a tres euros la docena, ya sabéis.

Unes cosines más... PEDÍOS EN CURSU
- ACEITE XIRASOL. Tan Silvia y Angeles con ellu. Paez que se ta retrasando más de lo previstu, supongo que pol tema del vranu. En cuantes haya nuncies sol tema, ya mos contarán
- ALGUES. Alorda-yvos que tá tovía abiertu pa facer pedíu
- BONITO. Teo pendiente tener noticies de Paula. En cuanto sepa daqué, vos informo.
- FRUTOS COLLORAOS, FRESA, MIRUÉNDANO... Púsose Silvia en contautu con una xente que vende d'eses coses. Nun sé si lo tenéis prebao, pero la fresa asturiana suel ser ruinuca y pelín cara, pero el sabor suel ser d'escándalu. Animá-yvos a prebala, ho. Queríemos aprovechar qu'esta xente vienen al rastru los domingos, y garrar la mercancía ellí (a nos mos faen preciu) y repartila el llunes cola cestina. IMPORTANTE: Necesitamos daquién voluntariu a dir pol pedíu al rastru el domingu. Yo nun pueo, Silvia tampoco... Sí hai quien vaya tar por Xixón el domingu a la mañana y se puede arrimar, que avise, y concretamos...



Reenvío esti mensaxe a los correos privaos, pa los perezosos......

Moces y mozos,

Esti mensaxe ye pa recordavos que pal llunes 26 d'Agostu tenemos Cestina Verdures. La entrega la cesta, en CASA PELAEZ Y COMPAÑÍA. Y l'horariu, pues de 17:00-17:30 (depende de cuándo puean venir Araceli y Antón) a 20:30. Si hai quien nun puea pasase en eses hores, avisa-y con tiempu, y ya miramos manera de facer la entrega.

Vos recuerdo un par de cosines, un poco lo habitual...

- Si daquién nun pue garrar cesta, por favor, avisa-y. Y si hay más pa llevar, tamién. Ya teo avisu de que Maria Jesus y Nathalie nun garren cestina esti llunes. Si hai más xente con vacaciones o asina, avisa-y, por favor

- Alcorda-yvos que al garrar la bolsa nuea toca retornar la vieya. Comprebar que nun tenéis bolses ensín entregar.

- Si daquién quier güevos, a tres euros la docena, ya sabéis.

Unes cosines más... PEDÍOS EN CURSU
- ACEITE XIRASOL. Tan Silvia y Angeles con ellu. Paez que se ta retrasando más de lo previstu, supongo que pol tema del vranu. En cuantes haya nuncies sol tema, ya mos contarán
- ALGUES. Alorda-yvos que tá tovía abiertu pa facer pedíu. Termina el plazu p'apuntase el domingu 25

Reenvío esti mensaxe a los correos privaos, pa los perezosos......

Moces y mozos,

Esti mensaxe ye pa recordavos que pal llunes 16 de setiembre tenemos Cestina Verdures. La entrega la cesta, en CASA PELAEZ Y COMPAÑÍA. Y l'horariu, pues de 17:00-17:30 (depende de cuándo puean venir Araceli y Antón) a 20:30. Si hai quien nun puea pasase en eses hores, avisa-y con tiempu, y ya miramos manera de facer la entrega.

Vos recuerdo un par de cosines, un poco lo habitual...

- Si daquién nun pue garrar cesta, por favor, avisa-y. Y si hay más pa llevar, tamién. Ya teo avisu de que Susana y Cova nun garren cestina esti llunes. Si hai más xente con vacaciones o asina, avisa-y, por favor

- Alcorda-yvos que al garrar la bolsa nuea toca retornar la vieya. Comprebar que nun tenéis bolses ensín entregar. IMPORTANTE. Ya sé que lo digo siempre, pero ye que la cestina pasada namás se recuperaron 6 cestes...

- Si daquién quier güevos, a tres euros la docena, ya sabéis.

Unes cosines más... PEDÍOS EN CURSU
- ALGUES Y QUESOS. Les algues ya tarán en Xixón el vienres, y los quesos, supongo que pal vienres o el llunes. La mi idega yera entregalo too el llunes cola cesta verdures, pero eso depende de que llegue too a tiempu, y de que tea sitiu pendiente na nevera. Tar pendientes por si acasu...
- TOMATE Y CEBOLLA ESTRA. Avisome Araceli que pa esti llunes pue servinos kilos estra de tomate pa los fartones que queremos tener salsa tomate casera pa tol añu. Y que tamién tien riestra cebolles pa los aficionaos al llantu culinariu. Los que queráis, avisá-y ensín falta. Va aparte de la cestina normal. Los tomates mos los vende a 2 euros/kilu (más baratu que'n Portugal). Les cebolles nun lo sé, pero nun saldremos de probes...

Reenvío esti mensaxe a los correos privaos, pa los perezosos....

Moces y mozos,

Esti mensaxe ye pa recordavos que pal llunes 7 DE OCHOBRE tenemos Cestina Verdures. La entrega la cesta, en CASA PELAEZ Y COMPAÑÍA. Y l'horariu, pues de 17:00-17:30 (depende de cuándo puean venir Araceli y Antón) a 20:30. Si hai quien nun puea pasase en eses hores, avisa-y con tiempu, y ya miramos manera de facer la entrega.

Vos aviso con tanta antelación, porque la selmana que vien, que ye cuando tocaba nun pueo mandavos esto correu. Por eso, si tenéis que avisar de dalguna cosina, usa-y el foru o el correu de Belén.

Vos recuerdo un par de cosines, un poco lo habitual...

- Si daquién nun pue garrar cesta, por favor, avisa-y. Y si hay más pa llevar, tamién. Ya teo avisu de que Susana, Angeles y Maria Jesus nun garren cestina esti llunes. Si hai más xente con vacaciones o asina, avisa-y, por favor

- Alcorda-yvos que al garrar la bolsa nuea toca retornar la vieya. Comprebar que nun tenéis bolses ensín entregar.

- Si daquién quier güevos, a tres euros la docena, ya sabéis.

Unes cosines más... PEDÍOS EN CURSU
- AGUACATES Y MANGOS. Mandé un correu al de los aguacates, pero nun me contestó tovía. Podíemos montar un pedíu, que los mangos taben de muerte, y la temporada ye cortina. Eso sí, fai falta dalgún voluntariu pa echar una mano col pedíu, porque nun doi pa too...
- TOMATE Y CEBOLLA ESTRA. Avisome Araceli que pa esi llunes tamién pue servinos kilos estra de tomate pa los fartones que queremos tener salsa tomate casera pa tol añu. Y que tamién tien riestra cebolles pa los aficionaos al llantu culinariu. Los que queráis, avisá-y ensín falta. Va aparte de la cestina normal. Los tomates mos los vende a 2 euros/kilu (más baratu que'n Portugal). Les cebolles nun lo sé, pero nun saldremos de probes...

Reenvío esti mensaxe a los correos privaos, pa los perezosos....

TAMBIEN HAY PIMIENTOS PARA EMBOTAR A 2 EUROS EL KILO

Moces y mozos,

Esti mensaxe ye pa recordavos que pal llunes 28 DE OCHOBRE tenemos Cestina Verdures. La entrega la cesta, en CASA PELAEZ Y COMPAÑÍA. Y l'horariu, pues de 17:00-17:30 (depende de cuándo puean venir Araceli y Antón) a 20:30. Si hai quien nun puea pasase en eses hores, avisa-y con tiempu, y ya miramos manera de facer la entrega.


Vos recuerdo un par de cosines, un poco lo habitual...

- Si daquién nun pue garrar cesta, por favor, avisa-y. Y si hay más pa llevar, tamién. Ya teo avisu de que Angeles y Maria Jesus (creo) nun garren cestina esti llunes. Si hai más xente con vacaciones o asina, avisa-y, por favor

- Alcorda-yvos que al garrar la bolsa nuea toca retornar la vieya. Comprebar que nun tenéis bolses ensín entregar.

- Si daquién quier güevos, a tres euros la docena, ya sabéis.

Unes cosines más... PEDÍOS EN CURSU
- NARANXES. Enseguidina arranca la temporada de naranxes, y taría bien facer pedíu, porque nun tienen nada que ver coles de les tiendes, la verdá. Eso sí, fai falta daquién que se apunte a encargase de montar el pedíu, porque yo agora nun doi abastu y nun pueo meteme en más cosines...

Reenvío esti mensaxe a los correos privaos, pa los perezosos....

Moces y mozos,

Esti mensaxe ye pa recordavos que pal llunes 18 Payares tenemos Cestina Verdures. La entrega la cesta, en CASA PELAEZ Y COMPAÑÍA. Y l'horariu, pues de 17:00-17:30 (depende de cuándo puean venir Araceli y Antón) a 20:30. Si hai quien nun puea pasase en eses hores, avisa-y con tiempu, y ya miramos manera de facer la entrega.


Vos recuerdo un par de cosines, un poco lo habitual...

- Si daquién nun pue garrar cesta, por favor, avisa-y. Y si hay más pa llevar, tamién. Ya teo avisu de que Angeles y Maria Jesus (creo) nun garren cestina esti llunes. Si hai más xente con vacaciones o asina, avisa-y, por favor

- Alcorda-yvos que al garrar la bolsa nuea toca retornar la vieya. Comprebar que nun tenéis bolses ensín entregar. Los de los güevos, si traeis los cartones de vuelta, meyor que meyor.

- Si daquién quier güevos, a tres euros la docena, ya sabéis.

Unes cosines más... PEDÍOS EN CURSU
- NARANXES. Enseguidina arranca la temporada de naranxes, y ta Cova pendiente de facer pedíu. En cuantes tea pa ello la cosa avisará pa que mos vayamos apuntando...
- AGUACATES Y MANGOS. Acaba ya la temporada del mango, y podíemos intentar facer pedíu. Diz el de Granada que nun puede aseguranos cuántu va poder vender (en cuantu a mango se refier), porque tienen una feria el domingu y nun sabe lo que venderán, pero que como muy tarde faiga pedíu el llunes, y ya me dirá. Total, que facemos un pedíu asina rapidín. Apuntaivos el domingu a lo más tardar, y facemos pedíu y a ver a lo que tocamos.

Reenvío esti mensaxe a los correos privaos, pa los perezosos....

Moces y mozos,

Esti mensaxe ye pa recordavos que pal llunes 16 d'Avientu tenemos Cestina Verdures. La entrega la cesta, en CASA PELAEZ Y COMPAÑÍA. Y l'horariu, pues de 17:00-17:30 (depende de cuándo puean venir Araceli y Antón) a 20:30. Si hai quien nun puea pasase en eses hores, avisa-y con tiempu, y ya miramos manera de facer la entrega.


Vos recuerdo un par de cosines, un poco lo habitual...

- Si daquién nun pue garrar cesta, por favor, avisa-y. Y si hay más pa llevar, tamién.

- Alcorda-yvos que al garrar la bolsa nuea toca retornar la vieya. Comprebar que nun tenéis bolses ensín entregar. Los de los güevos, si traeis los cartones de vuelta, meyor que meyor.

- Si daquién quier güevos, a tres euros la docena, ya sabéis.



Reenvío esti mensaxe a los correos privaos, pa los perezosos....

Moces y mozos,

Esti mensaxe ye pa recordavos que, acabaes ya les navidaes, pal llunes 13 de Xineru tenemos Cestina Verdures. La entrega la cesta, en CASA PELAEZ Y COMPAÑÍA. Y l'horariu, pues de 17:00-17:30 (depende de cuándo puean venir Araceli y Antón) a 20:30. Si hai quien nun puea pasase en eses hores, avisa-y con tiempu, y ya miramos manera de facer la entrega.


Vos recuerdo un par de cosines, un poco lo habitual...

- Si daquién nun pue garrar cesta, por favor, avisa-y. Y si hay más pa llevar, tamién.

- Alcorda-yvos que al garrar la bolsa nuea toca retornar la vieya. Comprebar que nun tenéis bolses ensín entregar. Los de los güevos, si traeis los cartones de vuelta, meyor que meyor.

- Si daquién quier güevos, a tres euros la docena, ya sabéis.

Más cosines, pedíos en cursu

Hai cosines que podemos dir retomando, unos son pedíos de temporada y otros, pedíos de los que facemos una vegada al añu. Tocaba dir arrancando col aceite, y venía bien facer pedíu de naranxes y/o aguacates otra vuelta. Tamién falamos una ocasión de pedir kiwis, que lo hai asturianu, ecolóxicu y de pequeñes produciones, y nun lo pedimos, que tien delitu.

Y tamién va siendo tiempu de dir pidiendo quesos, vinos, fariña...

Chavalería, fai falta xente que se apunte pa dir montando estos pedíos. Vamos falando y arrancaremos colos pedíos enseguidina.



Reenvío esti mensaxe a los correos privaos, pa los perezosos....

Moces y mozos,

Esti mensaxe ye pa recordavos que, pal llunes 3 de febreru tenemos Cestina Verdures. La entrega la cesta, en CASA PELAEZ Y COMPAÑÍA. Y l'horariu, pues de 17:00-17:30 (depende de cuándo puean venir Araceli y Antón) a 20:30. Si hai quien nun puea pasase en eses hores, avisa-y con tiempu, y ya miramos manera de facer la entrega.


Vos recuerdo un par de cosines, un poco lo habitual...

- Si daquién nun pue garrar cesta, por favor, avisa-y. Y si hay más pa llevar, tamién.

- Alcorda-yvos que al garrar la bolsa nuea toca retornar la vieya. Comprebar que nun tenéis bolses ensín entregar. Los de los güevos, si traeis los cartones de vuelta, meyor que meyor.

- Si daquién quier güevos, a tres euros la docena, ya sabéis. La cestina anterior, nun me alcuerdo quien me pidió que apuntara una docena güevos pa la prósima. Recordáy-melu, que nun me da la cabezona pa tantu...

Más cosines, pedíos en cursu

Ya llegaron los aguacates y cuento conque mañana lleguen les naranxes. Pa los que pedísteis, doi la opción de recoyelu el vienres de 19 a 21 na cafetería Les Xanes (Peña Ubiña esquina Peña Santa d'Enol) o el llunes cola cestina de verdures. Avisáy-me cómo lo queréis facer, pa tenelo previstu.

En breve arrancaremos colos pedíos d'aceite, fariña, quesos, vinu...

Alcorda-yvos fai falta xente que se apunte pa dir montando estos pedíos. Vamos falando y arrancaremos colos pedíos enseguidina.



Reenvío esti mensaxe a los correos privaos, pa los perezosos....

Nenos, tocábamos cestina pal 24 febreru. Pero avisó Araceli de que tan de vacaciones esos diis, y nun va tar. Coincide que'l llunes siguiente, 3 de marzu, ye llunes d'antroxu. Y yo un llunes d'antroxu... non, non, yo esi día nun toi disponible. Total, que se retrasa la entrega de la cestina pal 10 de marzu. Avisaré la selmana enantes pa recordalo a tol mundiu.

IMPORTANTE: Pedíos en cursu. Verdura non, pero agora tenemos pedíos en cursu de los que toos andabeis entrugando...
ACEITE D'OLIVA (de la) VIRXEN ESTRA: Apunta-yvos a lo más tardar el llunes 24 febreru. Alcorda-yvos, que ye pedíu pa tol añu.
FARIÑA, LEGUMES Y ARROZ INTEGRAL: Apunta-yvos a lo más tardar el domingu 23 de febreru.
QUESU, YOGURES Y VINU DEL BIERZU: Apunta-yvos a lo más tardar el domingu 23 de febreru.

Col tema les feches y organizar el pedíu, y contando col antroxu por mediu y poder dir de folixa en folixa, la entrega de toes estes coses se faerá pasaes les fiestes antroxeres, posiblemente na mesma selmana, pero a finales.

Hala, nenos, dir apuntándovos, que dempués quedáis cola gana y nun val quexase...

Mando esto tamién pa lo privau, pa los perezosos...

Moces y mozos,

Esti mensaxe ye pa recordavos que, pal llunes 10 de marzu, dempués del retrasu antroxeru, tenemos Cestina Verdures. La entrega la cesta, en CASA PELAEZ Y COMPAÑÍA. Y l'horariu, pues de 17:00-17:30 (depende de cuándo puean venir Araceli y Antón) a 20:30. Si hai quien nun puea pasase en eses hores, avisa-y con tiempu, y ya miramos manera de facer la entrega.


Vos recuerdo un par de cosines, un poco lo habitual...

- Si daquién nun pue garrar cesta, por favor, avisa-y. Y si hay más pa llevar, tamién.

- Alcorda-yvos que al garrar la bolsa nuea toca retornar la vieya. Comprebar que nun tenéis bolses ensín entregar. Los de los güevos, si traeis los cartones de vuelta, meyor que meyor.

- Si daquién quier güevos, a tres euros la docena, ya sabéis.  Alcoda-yvos que Araceli tamién suel tener coses aparte pa vender (patates, riestres de cebolles, fabes...) por si hai quien quier facer un pedíu aparte de les coses que van normalmente na cestina

Más cosines, pedíos en cursu

ACEITE: IMPORTANTE Tenemos un xaréu col aceite. Teníen que llegar güei, pero nun apaecieron. Apaecerán, se supón, mañana, por casa Susana, pero nun tien a naide que-y eche una man, nin pa vixilar el palé siquiera. Y ye aceite como pa una boda. Yo mañana curro mañana y tardi. Fai falta como el comer saber si daquién tien llibre mañana un ratín de mañana o de tardi pa echar un gabitu. Tovía nun sabemos la hora, porque los tresportistes son asín... Pero facía falta saber si hai xente disponible pa mañana, porque asina, en sabiendo la hora d'entrega, tamos en contautu y se lleven les coses a casa Susana en un minutín. Tenéis toos el mi móvil, asina que tamos en contautu...

La entrega del aceite pa tol mundiu, pue recoyese el vienres de tardi (avisa-y enantes de dir) o el llunes de tardi, en casa Susana. Quien nun tea la direción, que avise y la mando polo priváu.

FARIÑA Y LLEGUMES: La entrega, en principiu, el llunes, aprovechando la cestina. Quien prefiera garralo el vienres, de 17 a 18:30 aprox, que avise. Alcorda-yvos que sobró un poco de tó, pa cuadrar precios. Por si daquién quier llevar un poco más.

QUESOS Y YOGURES: Lo mesmu que la Fariña

VINOS: Los bodegueros viven n'otru mundiu... Llegará un poco más tardi, polo que se ve, porque van un poco al su ritmu. En cuantes llegue, como somos pocos pa esu, quedamos direutamente y ya ta.

Reenvío esto a los correos presonales, pa que teamos toos informaos.