Elixiendo non perecederos

Chavalería, tuvimos pensando en facer los primeros pedíos d'alimentos de "fondu d'armariu de cocina", tamién llamaos non perecedoros. Apeteciéronsenos dos coses a les primeres de cambiu, pa entamar, aceite y naranxes. Al marxe de les cantidaes que quedrá cada cual, de los precios y demás, prestábame sondear a ver si dalguién tien contactos d'aceiteros o naranxistes que-yos conste que vendan bon xéneru, y quiénes vamos querelos. Atopalos ye fácil, hai un mundu d'opciones, pero diríemos a bultu o tendríamos que pedi-yos unes muestres pa catales y optar por unos o por otros . Nuria, creo que tú conocíes dalgún aceiteru? Cuando fichemos al proveeor, concretamos les cantidaes de cada cual.
Por otru lláu, igual se vos apetez dalguna cosa más aparte d'esto, o en llugar d'esto, que podáis proponer? A min, apetécenseme quinientes aproximadamente, pero habrá qu'entamar por dalguna.
En resume, tenemos tres tarees:
- Elexir productos: aceite, naranxes...
- Elexir productor: en función de la calidá y el preciu, a bultu o catando
- Elexir cantidaes: cada cual lo que necesite
Ehí vos va un pelín de trabayu dixital. Dándo-y al botonucu "post reply", que nun debe andar mui llonxe d'equí, y depués a la pestañuca unviar, vamos armando esti tema, val?
Salú y bona dixestión pa tol mundo. su

Agora que paez que'l tema de perecederos echa a andar, nun taría mal retomar el tema que sacó Susana, y dir mirando cosuques de non perecederos. Sé que Almudena tenía miráu daqué pa dalgún productu de perecederos, y Gustavo comentaba dalguna cosina que él conocía en non perecederos.

Si queréis, pue usase esti hilu pa proponer productos, y si la xente se apunta a mercalu nel grupu, pues se abre un hilu aparte por cada productu. Lo digo porque como cada pedíu dirá independiente, pues asina nos aclaramos meyor.

Yo a lo de les naranxes y l'aceite me apunto encantáu de la vida, y mañana si tengo un ratín y esceutu que otru s'adelante (a lo cual animo) vos pongo lo que yo teo llocalizáu por interné.

Saludinos

Buenes, mozos y moces
Agora que lo del aceite ya quedó fechu, y lo de les naranxes va más o menos al su ritmu, igual yera momentu de plantegase más productos.

De momentu, ta tovía en vigor el tema del vinu, y lo del quesu cabra

A ver si se mos ocurren un poco a toos cosuques que se mos apetecieren

A mi me vienen dalgunos productos a la mente:
- Güevos
- Fariña
- Arroz
- Otros vinos y quesos, especialmente aprovechando les feries, cuando toquen
- Ablanes, cuando seya la feria l'Infiestu
- Otres frutes

Se almiten, y más bien se anima, a otres propuestes.

Yo tuve echando un güeyu a lo del arroz y la fariña. Mañana nun sé, pero el vienres a más tardar cuelgo la información que atopé, a ver qué vos paez...