ENVÍOS DE PERECEDEROS

Moces y mozos,

Namás ye pa recordavos que pal llunes 4 toca cestina.

Vos recuerdo unes cosines, lo mesmu de otres vegaes...

- Si daquién nun pue garrar cesta esti llunes, por favor, avisa-y

- Alcordavos que al garrar la bolsa nuea toca retornar la vieya

- Alcorda-yvos que ta abiertu pa facer pedíu de naranxes. La idega ye tener naranxes de nueves pal vienres de la selmana que vien. Susana mos avisará cuándu ye'l caberu dii p'apuntase.

- Si queréis güevos, avisá-y. A tres euros docena. Ya cuento con Fran, mi má y servior, pero nun sé si daquién más quier.

Por ciertu, paez ser que los arbeyos nun van tocar pa esta cestina tovía, pero les fabes de mayu tienen bastantes papeletes...


Reenvío esti mensaxe a los correos privaos, pa los perezosos y enemigos de los foros d'interné....
Xuan

Hola Xuan,
Yo quería apuntarme a la Cestina por primera vez. ¿Sabes los productos que lleva y cuanto costará?

Un saludín
Angeles

Angeles escribió:Hola Xuan,
Yo quería apuntarme a la Cestina por primera vez. ¿Sabes los productos que lleva y cuanto costará?

Un saludín
Angeles

Buenes, Angeles

El conteníu la cestina supongo que sedrá más o menos lo mesmu que la cestina anterior. Pero como ya tamos en primavera, habrá posiblemente dalguna novedá. Ye posible que la cebolleta sustituya a la cebolla, y que tengamos fabes de mayu. Los guisantes posiblemente tengan que esperar un puquiñín. El conteníu esautu nun lu sabemos porque Araceli y Antón van a la güerta el sábadu, y depende de cómo tea la cosa, pues nos ponen de lo que haya.

El preciu suel ser 10 euros. L'añu pasáu, nel tiempu de primavera-vranu, como había más variedá, y yeren productos más caros nel mercáu, salíamos a 12 euros. Supongo que pa esti añu pasará igual, pero ye fácil que tovía sigan siendo 10 euros.

vale, muy bien. Así hay un poquitín de sorpresa.
Ya avisareís cuando llegue, supongo.
Nos vemos
Angeles.

Buenes, mozos y moces

Como veréis por vosotros mesmos, esti llunes, la cestina ye un poco más cortuca que otres vegaes. Ya me comentó Araceli que la güerta nun espoxigó tovía coles verdures de primavera, y por eso ye una cosa más reducía. Al paecer, los guisantes tovía necesiten bastante más tiempu, y les fabes de mayu casi taben, pero tovía-yos faltaba un puquiñín.

Eso sí, me paez que ye buen momentu pa prebar el pastel d'escarola esi que tien colgáu Susana nel recetariu, porque hai como pa una boda...

Sí, muncho reíse del pastel d'escarola y ya ves...

Prometo que huntadín nuna tosta con salsina romesco u otru mexunxe atomatáu o picantín, ta bien rica. Meyor fría, incluso, que caliente. Y aguanta mui bien na nevera. Yo recomiéndolo, ye mui fácil de cocinar.

Hola Susana,
He mirado tu receta de escarola y menuda pinta que tienes..
Voy a mirar otra para las acelgas. En cuanto a los rabanitos, ¿tú como los usas, en crudo en ensalada o se pueden cocinar también?

Hola Xuan,
Le di 10 euros a Susana por la Cestina. Si es más, dímelo y os lo daré cuando vaya a por el pedido de naranjas, que cuando llegue espero ya poder salir de casa y tener coche.

Muchas gracias a los dos por facilitarme tanto la logística.
Hasta otra
Angeles

Ay sí Almudena! fué a ti a quien pagé. Es que me lié con los nombres.

Moces y mozos,

Esti correu ye pa recordavos que pal llunes 25, llunes de pascua pa más señes, toca cestina verdures. Y que servior ta esperando les verdures de primavera comu agua (yo más bien diría fabes) de mayu.

Vos recuerdo un par de cosines...

- Si daquién nun pue garrar cesta esti llunes, por favor, avisa-y. Y si hay más pa llevar, tamién. Me paez que Nuria me dixera que hai una presona interesada en prebar con una cesta. Confírmamelu cuando puedas, Nuria.

- Alcordavos que al garrar la bolsa nuea toca retornar la vieya

- Alcorda-yvos que pal 15 de mayu, con un poco suerte y meyor tiempu, facemos una xornada de prau y pinchoteu na finca d'Antón y Araceli. Taría bien saber más o menos cuántos vamos ser, pol tema de dir contando coles coses que hai de llevar pa comer y esu...

- El tema l'arroz taba aparcáu, y si vos paez, podíemos retomalu, con idega de facer el pedíu por mayu, primera quincena más o menos. Alcorda-yvos que la idega ye facer pedíu pa un añu vista. Pa los que nun los conozan, vos cuento que'l chinu ye un arroz estupendu pa arroces blancos y ensalades fríes, y el de calasparra va de muerte con arroces con llechi, paelles y asemeyaos. Claro que hai quien fai otres combinaciones. Y l'añu pasáu nun mos salió mal de preciu...

Reenvío esti mensaxe a los correos privaos, pa los perezosos...

Moces y mozos,

Esti correu ye pa recordavos que pal llunes 6 de xunu, toca cestina verdures.

Vos recuerdo un par de cosines...

- Si daquién nun pue garrar cesta esti llunes, por favor, avisa-y. Y si hay más pa llevar, tamién.

- Alcordavos que al garrar la bolsa nuea toca retornar la vieya. IMPORTANTE: Nun sé cómo ta Araceli de bolses, pero yo namás teo una. Lo digo porque si hai xente con unes cuantes bolses, sedría importante fac'e-yles llegar a Araceli, porque me paez que nun va tener munches ella. Y si me les podéis arrimar el viernes como caberu dii, meyor que meyor.

- Alcordá-yvos que hai unos cuantos temes abiertos p'apuntase: cereces, vinu, algues, y lo que comentaba Angeles de lo de Intermón. Por favor, nun lo dexéis pal caberu dii, que dempués hai de tar a la última pregunta, entrugando a la xente...

- Otra cosina. Alcordá-yvos que esi grupu ye una cosa totalmente abierta. Tanto pa proponer productos o eventos, organizar envíos, recibir pedíos, etc. Lo digo porque siempre mos toca proponer, escribir, organizar, recibir y demás a los mismos, y equí tol mundiu nun anda sobráu de tiempu como pa tantu. Lo digo porque me mandáis tol mundiu los correos a mí, y llamaes, y la de mi má, cuando cuesta el mesmu trabayu ponelu nel foru, y nos enteramos toos igual. Nun hai "filtros" na Cestina, asina que toos podemos proponer, acertar o equivocanos. Que nun nacimos aprendíos. Y lo digo tamién pal tema los pedíos. A mí prestaríame más un poco más de variedá nes cases "receptores" de pedíos, o que polo menos la xente respetara no posible les feches y horarios que se ponen. Sin esixencies, pero con sentíu común, que toos tenemos vida propia...

Hala, que sigo colo míu...

Reenvío esti mensaxe a los correos privaos, pa los perezosos...

Yo tengo namás tres bolses en casa, voi facer una batida a ver les que recopilo pa entregales coles míes.

Pela mio parte, esti llunes nun voi tar en Asturies, asina que veo difícil garrar la mio cestina. Pero como pal sábadu toi de vuelta, pa mín ye una opción que Araceli me eche coses que más o menos aguanten con un mínimu cuidáu hasta el sábadu siguiente que toi de vuelta, y que me la garre la vecina. Ye dicir, que nun m'echare llechugues y verdura de fueya verde... Nun sé si ye un rollu pa ella, déxolo nes sos manes. Yera por precurar caltener estable el númberu de cestes, per un lláu, y tamién por nun perdeme los guisantes y les fabines, como bona glotona que soi. Cualisquier de les dos opciones me parez bien, lo que meyor-y cuadre a Araceli.


Per otru lláu, yo taba por proponer el da-yos vacaciones de cestina a Xuan y Peláez polo menos hasta setiembre que marcharé mundu alantre tol mes, y garrar les cestes de verdura en Pedro Pablo dende la última cestina de xuno. Tamién ye una ventaxa que temos dos consumidores de cestines nel mesmu portal y planta, que facilita muncho la cuestión porque podemos ayudanos y facé-y llegar les bolses a Araceli y too. Si pa ella nun ye un xaréu, facémonos cargu equí la Molly, Natalia y familia y yo un poquitín. Ye verdá que a la fin, resulta un líu recibir les coses cuando tamos a mil asuntos, anque lo faigamos con gustu. La Ponderosa ya va mereciendo un descansín.

Esta semana nosotros no cogemos cestina, aún nos queda de la anterior y al no estar yo en casa se me estropea; en las bolsas tienes toda la razón, nosotros tenemos tres en casa, ya sé que no es excusa pero somos un poco despistados. Mañana viernes te las llevo yo sin falta a la hora que tu me digas (llego sobre las 15.00 h).
Graciassssssss.

Otres reines magues debieron de poneme más sorpreses en casa. Llega una güei de trabayar, y venga llechuguines y espinaques fresquines na cocina. Mui bien debí de portame esti añu, que me caen coses riques a porrillu.

Tengo de da-y les gracies a Araceli, por tar pendiente de les mios entrades y salides del conceyu, y facer porque nun me falte de nada. Cuando averigüe quién me les punxo en casa, fáigoles extensives. Pues hala, que ya sabe tol mundo que la vecina tien llave de casa, que si queréis traeme tartes, ella puede abrir Casa Malone. Va faceme muncha ilusión atopales en casa. Namás hai que cuidales de Molly, que-y gusta too y como ta del riñón, nun puede comer duces

La prósima cestina cae equí en Pedropablo. Los que tengáis bolses en casa, ya voi recoyiéndoles p'apurriles a tiempu, anque yo mesma tengo ya unes cuantes.

Recuérdovos que pal llunes qu'entra habrá cestines. En pedropablo. Equí taremos dende que venga Araceli (paezme que suel llevar sobre les cinco o asina) hasta les nueve. Si dalguién tien cestines en casa, nun se vos olvide traeles. Yo tengo bien d'elles pa da-y a Araceli, ya veré d'apurrí-yles esta selmana.

Falten Xuan y Ángeles esta vuelta, asina que si nun cuento mal, vamos xuntar siete comeores de cestes.

Por ciertu, la cerveza que ficieron Xuan, Peláez y el botellón ési qu'instalaron na Ponderosa, recibió munchos parabienes. Pal mio gustu ta mui rica, acertóse de lleno col inventu d'embotellar cerveza. Lo único, que como nun se sabía la graducación, bebí la primera nun mediudía de munchu callor y garré una tranca considerable. De les de durmir depués hora y media. Les demás tamién fueron cayendo al poco. Guardo les botelles con precuru pa que me les rellenen otra vuelta. Eso sí, prestábame collaborar cola inversión de la "maquinaria" y los mostos y tamién col trabayu, claro.

Vaya cantidá de coses riques que truxo la cestina. Da gustu qu'entre el branu.

Fran, Pili y Pablo, tengo les vuestres cestes en casa, recolectaes, transportaes, pagaes y esperando polos amos. Irán mustiando les coses más delicaes. Yo el miércoles marcho de Xixón, a les primeres horas, asina que quédavos mañana pa recoyeles. Ya vos llamé y mandé mensaxes, pero nun atopé rempuesta. Poné-yvos en contactu conmigo pa recoyeles, anda-y, que ando a milenta coses y ya eché la tarde entera a perder esperando de balde.

Hoy a la hora que te vaya bien pasamos y nos llevamos también la de Pablo y Pili.
Perdona estuvimos liados, el trabajo dicen que es bueno para el espíritu pero en exceso no puede ser nada bueno.

Muncho meyor les vacaciones, ónde va a parar. Ya pela tarde os veo. Salváis que los calabacinos son xigantes y nun me da tiempu a comer los míos y asaltar les vuestres bolses, que si non ya los tenía na olla. Tovía voi mangavos les remolaches, que soi adicta. Nel terrén de les verdures granates, Casa Malone ye una cleptocracia.

Chavalería,
el llunes toca cestina, vamos recibila en Pedro Pablo. Pol momentu, Fran y María avisaron que van tar fuera, asina que sálenme ocho cestines. Si dalguién anda tamién de vacaciones o sabe de dalguién que ande mundu alantre, que ye época d'ello, avisáynos. Si non, dende que venga Araceli a les cinco o cinco y media y les ocho de la tarde más o menos, taremos en casa cola tienda abierta. Quien nun pueda, como siempre, con avisame y quedar a otra hora, solucionao. Traer les bolses de la que se recueyen les nueves ye d'agradecer.

Verdurines pa toos.

Hola a todos: de parte los mios pas vos comento que escomencipia a haber hortaliza abondo y muy fresco, que pa eso como el clima asturiano non hay...vamos que si alguien quier extra dalgún producto pa facer conserves o asina pué comentalo, por exemplo remolaches.

Rocío escribió:Hola a todos: de parte los mios pas vos comento que escomencipia a haber hortaliza abondo y muy fresco, que pa eso como el clima asturiano non hay...vamos que si alguien quier extra dalgún producto pa facer conserves o asina pué comentalo, por exemplo remolaches.

Susana, Pili y Pablo me avisaron que tampoco van pillar cestina esti llunes.

Rocío, quitásteme la pallabra de la boca. Yo tenía ganes de garrar un estra de remolaches, pa facer conserva pa tol añu. 5 kilinos y una tarde llibre na cocina me veníen de cine pa tener remolaches pa tol añu. Lo de la tarde llibre ye cosa mía, lo de los 5 kilos, si los pue apurrir Araceli el llunes, de cine.

Huy, pues entós sálenme siete cestines. De toles maneres, voi asegurame de que'l restu de la pandilla tamién ta equí.

Coime, Rocío, a mí eso de les remolaches nun se me puede contar y quedar yo callada. Marchen otros tres o cuatro kilinos pa mín, lo que meyor cuadre. Paezme que se me pasó el tiempo de les cebolles, asina que vengan les coses fresques del branín.

Otra que y va dar a la conserva que les del añu pasau sólo queda un frascu, si aún se puede sobre 3 kilinos remolacha

Hola,
Ya estoy de vuelta de vacaciones. Yo tambien me apunto a la cestina del lunes. Llamare a Susana para que me diga como quedar con ella porque nunca me toco todavia ir a su casa.
Un saludo a todos.
Angeles.

Susana, las cebollas tan por cosechar; dime si las quiés pal llunes