ENVÍOS DE PERECEDEROS

Nenos, alcorda-yvos que pal llunes 15 de marzu toca cestina. Tovía nun sé el conteníu. En cuantes tea información privilexiada, voi avisando.

Faen falta les cestes que teneis, pa rellenales. A ver si ye posible que podáis entregales, o a mi o a Susana, enantes del vienres, si pue ser, pa recoyeles toes y teneles llistes el llunes.

Por ciertu, tuvo comentándome Araceli que tien fabes tamién pa vender. Nun son de cosecha de agora, caro, son del añu pasáu, de les seques. Pero yera igual coles patates, que yeren de enantes de navidá. Como les primeres fabes nun entamen a apaecer pola güerta fasta mayu, podría ser bona idega incluír na cestina un kilu de fabes por barba, por exemplu. De preciu nun falamos, pero el preciu les fabes, evidentemente, ye aparte del conteníu normal de la cesta.

Conta-yme a ver qué vos paez.

Del conteníu la cestina, me cuenten los servicios d'información que esta selmana ta la verdura un poco d'aquella manera. La selmana de fríu ta pegando duru nel práu, y nun acaben de medrar en condiciones les verdures de temporada.

El conteníu esautu nun va sabese fasta'l sábadu, porque dependerá de lo que tea de meyor calidá pa recolectase de la tierra. Dependiendo de concretar eses coses, les posibilidaes de productos son, más o menos:
- Berces
- Puerros
- Escarola
- Coliflor
- Lombarda
- Espinaques
- Cebolletes

Cuento con poder davos más información, y más concreta, pal sábado. Deci-yme daqué sobre les fabes, pa concretar yo con Araceli.

Cuenta con nosotros para el Kg de fabes.
Sobre la cestina te la pasamos este fin de semana que supongo que nos veremos.

Nenos, esta va ser la composición de la cesta pa esti llunes:

1.BERCES.
2:.ACELGUES.
3: COLIFLOR.
4: ESCAROLA.
5. CEBOLLETA.
6:PUERROS.
7: GRELOS.
8: NABU (se cierra con estu la famosa tríada galega)
9: 1 kg PATATES

El preciu, el mesmu de otres vegaes

Hala, ya podeis dir salivando e imaxinando recetes

Buenes, nenos

Comentome un par de cosines Araceli, de la qu'entregaba les cestes.

Una, "se disculpó" porque dalgún de los artículos tenía un aspeutu un tantu ruinu y menudín (lechuga, coliflor). El fríu d'esta temporada nun dexa espoxigar la verdura, y los artículos salen cómo salen. Habrá de falar col Nuberu, pa la prósima entrega.

Dos, la prósima entrega tien de retrasala fasta'l 12 abril. Tocaba pal dii 5, pero esi dii ye llunes de pascua y nun hai mercáu n'Avilés, que ye onde normalmente vende. Como nun hai mercáu, nun va dir pa la güerta a recolectar, y pidió dexalu pa otra fecha. Quedó la cosa entós pal 12 d'abril.

Equí nun hai problema nengún col tamañu de les verdures, entiéndese que'l clima marque les coses. En casa d'Alba recóyiéronse les coliflorines como si foran tesoros. Cásique da pena comeles, de guapines que son, apeteznos a ambes poneles nun floreru.

Antonia tien de prescindir de la siguiente cestina cásique de xuro. Tienen un asuntu qu'atender y nun van cocinar nuna temporadina. De toles maneres, esto confirmaráse más alantre, pero en principiu, nun contar con ella.

Buenes, mozos y moces

Namás yera pa recordavos que pal llunes 12 hai cestina de verdures. Tovía nun sé lo que va llevar. En cuantes tea información de primera mano, vos pongo el menú trisemanal...

Por ciertu, si daquién quier fabes de les de Araceli, aparte, que me mande un mensaxín, pa dicí-y que mande.

En principiu, los horarios d'entrega son los de siempre. Si hai novedaes, aviso.

Un saludín

Buenes, chavalotes

Esti sedrá el conteníu la cesta:
- Espinaques
- Cebolletes
- Acelgues
- Coliflor (con estu, acabose la coliflor)
- Berces
- Repollu
- Lechuga (depende de como tea)

Esti llunes yo nun taré motorizáu, pero en principiu, me paez que me pueo apañar pa que la forma d'entrega seya la mesma que otres vegaes. Lo únicu, que igual l'envíu por Pedro Pablo se retrasa un pelín.

Un saludín

Como sabéis, na última cestina la mio vecina Antonia descolgóse por nun poder atender asuntos culinarios n'esi momentu. Yera namás una cosa puntual, contá-y con ella pa la que vien y siguientes

Buenes, mozos y moces

Según les caberes informaciones, hai rumores de que la cesta pal llunes va llevar:

- Llechuga
- Puerros
- Fabes de mayu
- Acelgues
- Cebolletes
- Berces
- Repollu o espinaques, según tean

Ya podéis da-y al llibru recetes...

Ya tan equí, ya llegaron, les cestuques coles verdures. Araceli tornó a "disculpase" porque la tierra entá nun dexa medrar en condiciones a delles verdures, y dalguna ye chiquitina... Ya-y dixi que la tierra da lo que da, que nun hai torga y fácil d'entender...

Otra cosina, alcordavos de retornar, al devolver les cestes, los cacharros de cuando se ponen na cestina coses aparte. Los sos llexítimos dueños echen en falta cacharrería varia na que se mandaron cosuques, y agora pasen falta d'ella.

Por ciertu, que l'agasaxu de güei ye cosa d'Almudena y Susana, que lo faen por amor al arte y pal disfrute de tolos cesteros (productora agrícola incluyía)

A disfrutalo too

De parte de la sección pedropablo, que dalguién-y cuente a Araceli qu'equí tamos encantaos coles verdures, al marxe del tamañu, que nos paez too perfecto porque ta rico. Tan toles güertes y xardines igual, esperando qu'entre la primavera enforma y dexe medrar les plantes. De teneles mui grandes, sospecharíamos de los sos métodos d'engorde... Ye broma, paeznos too de primera, esa ye la verdá.

Neños y neñes

Alcordavos que pal 24 de mayu toca de nueves la cestina. Esta cestina va ser un poco distinta, pol tema de lo que falamos de facer una visitina a la güerta. Supongo que lo ideal ye garrar ya la cesta el mesmu sábadu, y pa quien nun pue arrimase a visitar la güerta, ya nos encargamos los demás de garrar lo suyu. Vos cuento unes cosines que me paecen importantes:

- Hora y sitiu. La güerta ta pa Gozón, pa una parroquia que se llama Manzaneda. Si queréis, podemos quedar los que vamos pa dir xuntos y asina nun mos perdemos. En cuantes a la hora, Araceli mos decía que si fai sol, deberíemos dir o bien tempranu pela mañana, o bien tardi pela tardi, porque a les hores centrales del dii la verdura si se corta se pon un poco pachuchina enseguía. Yo-y comenté que meyor pela mañana, que pela tarde-nuechi del sábadu toos queremos más bien salir a correla. Nun me dixo hora, pero yo calculo que podría ser bona la de plantase ellí a les 10 de la mañana, por exemplu. A ver cómo lo veis, y nos organizamos sobre la marcha.

Me paez que con estu ta too. Un saludín

- Güevos. Como los güevos que consiguió Almudena de les monxes nun yeren precisamente divinos, Araceli mos los consigue a tres euros la docena. Los suministraores son conocíos d'ella, de la parte cangues del narcea y d'un vecín de Manzaneda. Sedría importante que los que queremos güevos digamos cuántos queremos cuanto antes meyor, pa que de tiempu a que los garre y mos los entregue el mesmu sábadu.

- Cestes. Los que van de sábadu, alcorda-yvos de llevar la cesta a la güerta, pa garrar la verdura. Los que non, qu'entreguen la so cesta a Susana o a mí mesmu pa que puean retornala llena de vuelta. Pa Pilar ya nos apañamos. Alcorda-yvos, por ciertu, que sigue pendiente lo de mercar cestos pal grupu. Araceli ya me comentó unes cuantes vegaes que en cuantes arranque la primavera en condiciones, hai cestos que puen salir malparaos, y que a ella-y paez la meyor opción lo de los capazos.

- Pa los rezagaos... Alcorda-yvos de que tan ya cerca pa pedise lo del arroz, la fariña y la soja. Convendría que los que tais pendientes de decidivos, vayáis poniendo, pa poder facer pedíu en estos diis...

Por ciertu, arranco yo colos güevos pa esta selmana:

1. Carmen de casa Carmen. 1 docena
2. Xuan de casa la Ponderosa. 1 docena

Hola a todos:

En función de la climatología bonancible de las últimas semanas, algunos productos hortofrutícolas parez que alcanzaron ya su plenitú, pero nel casu de arbejos y fabas nun será muy larga, por lo que Antón y Araceli os proponen reparto el próximo lunes.
Esta cestina anticipada, de abundante carga vitamínica y clorofílica gracies al sol de mayu, llevaría arbejos, fabas, berzas, espinaques, lechugas y acelgas.
Ya me decís...

Ayer nun entré nel foro, y nun ví el mensaxe.

Por mí ta bien, Rocío, pero espera que lo cofirme cola xente. Voi mandar un priváu, a ver si pueo tener contestación.

Contando con la xente de la que tuve rempuesta, me paez que podemos facer cestina pal llunes. Eso sí, toi casi ensín cestos nin bolses. A ver cómo nos apañamos.

Un saludín,

Xuan, ya aviso yo a mi ma pa que lo traiga preparao, non te preocpes que lo ingeniamos de alguna manera.... besosx

Más vale tarde....El contenido de la cesta de esta semana es:
FABAS...................1.5 Kg
GUISANTES.............1 Kg
ESPINACAS.............1 Manojo
LECHUGAS..............2 Unidades
BERZAS..................1 Manojo
PATATAS................1 Kg
AJOS.....................2 Unidades
ACELGAS................1 manojo. El importe de esta semana es de 12 $. Cualquier duda comunicarmelo q hoy estoy conectada...besos

aquí los desaparecidos!!!!!!

para nosotros genial si mañana tenemos cestina, ya no nos queda nada de nada!!!!! y cómo hacemos lo de la bolsa?????

Pues en esta ocasión, apañaremos una solución d'emerxencia, a lo que de por sí ya yera provisional. Eso sí, cuando podáis, devolver les bolses y cestes, porque ya por casa nun sé onde voi llevar les coses...

Chavalería,
Enterada de la catástrofe que l'agua causó nel güertu, ocurrióseme da-yos un poquitín de marxe, si ye que-yos paez bien, pa qu'arreglen y desfoguen un poquitín depués del monzón, y retrasar la próxima cestina una selmana. Igual qu'adelantamos l'anterior, podíemos retrasar la siguiente. Nun sé, a Belén y Antón paecía-yos una opción a mirar. Quedamos pendientes entós, d'Araceli y Antón pa que nos digan si esto podía ayudalos un poco y da-yos tiempu d'arreglar un poquitín el desaguisáu y despreocupase de nós. Con too, ya sabéis qu'a mín valme lo que venga, poco, muncho o moyao, lo que toque.

Por mi, ya sabeis que sin problema, cuando yos venga bien, enantes vivíamos sin cesta y comíamos igual, y si quieren preparala y hay pocu o moyau, tamién val, faltaría mas