Cocinando la cesta: Empanada con repollu (receta chino-galega)

EMPANADA CON REPOLLU (receta chino-galega)

Masa la que se quiera, fueyaldre, pa empanadilles pequeñes, masa de pan…
3 cucharaes d’aceite
1 repollu pequeñu
2 tomates pelaos
2 puerros y 1 zanahoria rallada
un terciu de taza de caldu o agua con una plizca de sal
media taza de quesu parmesanu ralláu
1 güevu pal rellenu y un poco más de güevu batíu pa pintar la masa
1 plizca de azúcar
Sal, pimienta, oréganu y nuez moscada cantidad necesaria, u otres especies les que más presten.

Saltear los tomates partíos en cubos, los puerros picaos, la zanahoria rallada y el repollu picao fino tamién. Agregar el caldu y revolver un pelín. Cuando tea un pelín más tierno echar el quesu, el güevu batíu, el sal y les especies al gustu de cadaquién. Per exemplu, yo a la masa cuando la faigo en casa, écho-y pimentón. Nun convién pasalo muncho, porque tovía-y queda cocese en fornu.

Si se usa masa de fueyaldre, escurrir bien el caldu del preparáu, si ye de pan, meyor que tea xugoso. Si son empanadielles rellénase cada discu y húntase con un pelín d’agua la mitad del borde del discu, dóblase y faise’l trenzáu o ciérrase como bonamente se pueda. Si ye una empanaona, pártese la masa pela mitá, úntase una placa de fornu o un molde y ponse una de les partes de basesy otra de tapa. Pa cerrala, úsase’l mesmu sistema. La decoración, al gustu de cadaquién. El casu ye pintalo per enriba de güevu batíu.
Ye importante facé-y un aguxerín del tamañu d’una moneda de diez céntimos a la empanada mientres se cuez, amás de meté-y unos pinchazos con unes tixeres per tola superficie, pa que nun hinche al hornela. De toles maneres, si se ve que levanta en fornu, métese-y otru pinchazu sobre la marcha y baxa como les bales. Cuécese unos 45 minutos a 200 o 220, tanto si son pequeñes como si son grandes. De vela requemase per enriba, puede cubrise a lo último con un poquitín de papel d’aluminio.
Pa mases d’empanada, de pan, de fueyaldre, de manteca, de cerveza, de maiz, de sidra o de lo que quiera, cursa-y solicitú póngola per equí.