FALAFELS CON SALSA DE YOGUR

FALAFEL
200 grs. de garbanzu secu que se dexa remoyando 24 hores, procurando añardir agua si queden secos
1 zanahoria grande
2 dientes d'ayu
1 cebolla o cebolleta
1 cucharadina de llevaúra
especies: sal, comino, pimentón
Perexil
Harina pa rebozar, de trigu va bien
(La masa permite la conxelación, asina que yo suelo doblar ingredientes y guardar boluques feches pa freír otru día)
SALSA DE YOGUR
1 yogur natural cremosu
1 diente d'ayu
1 pepinu pequeñu despepitáu
8 o 10 aceitunes en salmuera o un puñadín de alcaparres
hinojo si lo hai

La salsa de yogur ye mui fácil: amestar y triturar cola batiora

Pal falafel escúrrense bien los garbanzos y píquense cola batiora y el restu d'ingredientes. Sí, los garbanzos van crudos. Hai quien los cuez un poco p'ablandalos, pero eso ye fast food... Tener cuidáu de nun quemar la batidora. Queda una masuca que hai que dexar reposar mínimo una horina p'amestar sabores. Tenelo preparao del día enantes ye más fácil.
La masa puede dáse-y la forma que se quiera, albondiguines, hamburguesuques, del tamañu que se quiera, redondes y ovalaes. Pásase por harina, fríese n'aceite caliente y recúdense.

Nos países onde'l falafel y el garbanzu son cásique relixón, oriente mediu y parte del Magreb, usen falafel y salses de yogur o marinaos de tomate y/o pimientos roxos, too ello envuelto en pan ácimu, d'emparedáu. Ye'l bocata musulmán por excelencia. Igual que les nuestres hamburgueses, pueden tomase hamburgueses nel burriking o facese bones hamburgueses con bona salsa y bonos aliños y bon pan en casa. Los falafel de los fast-food tipu turcu que hai per equí son ponzoña, pal mio gustu...