ENVÍOS DE PERECEDEROS

Buenes, mozos y moces

Ya tuve en contautu con Araceli, la señora de la güerta. Ellos recueyen les verdures los sábados, y los llunes pe la mañana van a Avilés, al mercáu. Diz que pa ella, lo ideal yera traenos la mercancía de lluenes de tardi, y le comenté que, pendiente lo que dixera la xente, podía entamase el llunes 1 de febreru.

Salvo novedaes de última hora o inclemencies del tiempu, me comenta que la composición de la cesta pa esa fecha vendría a ser:
- 2 kg de patates
- 1 coliflor
- 3 cebolles
- un manoxu acelgues
- un manoxu nabices
Me paez que ta too, pero me paez que se me escapa dalguna cosuca (escarola quiciavis). Ya vos concreto

El preciu de cada cestu sedría de unos 10 euros, según me diz.

Ya me decís cómo lo veis.

Por ciertu, y aprovechando el tema. Diome por poner l'hilu esi de recetes pol tema de poder compartir platos colos ingredientes que pillamos. Me esplico. Yo tola vida odié la coliflor, porque en casa mi má la preparaba con ayu y pimentón, y siempre me supo más bien mal. Pero dendi que descubrí cómo facer la coliflor con bechamel, pues como que ya ye otra cosa. Y como supongo que munchos de nosotros tenemos la nuesa "fiera corrupia" nel mundiu les verdures, pues pue ser esta una bona ocasión pa desfacer mitos.

Pues a ver si ye verdá, porque sé que facer con les patates, les cebolles o la coliflor, pero les nabices nun se ni que son.......así que agradeceríase enormemente que dalgún me explicara que facer con elles....

Buenes, chavalotes

Ya pueo concretavos un pelín más lo que, si nun hai novedaes, vendrá na cesta del llunes. Vos pongo tamién el detalle de lo que vienen a ser los precios de cada cosa:
- 2 kg de patates - 2 euros
- 1 coliflor y 3 cebolles - 4 euros
- un manoxu acelgues - 1 euru
- un manoxu nabices - 1 euru
- un manoxu puerros - 1 euru
- 2 escaroles - 1 euru

Un saludín

Paezme mui apetecible. Respective a les munches preparaciones posibles pa la coliflor, a ver si consigo reproducila y pongo como receta recomendable la manera más rica y sorprendente de comer la coliflor que conozo, pa que probéis. Poques veces me supo tan bien como cuando la comí n'ensalada con un aliñu bastante sabrosu, gratinada y calentina, pero colos raminos desmigaos tal y como vienen, ye dicir, cruda. Paez mentira, pero la coliflor tien meyor sabor asina en crudo que cocía. Vivir pa ver.

Lo dicho, nenos

Cuento con que me lleguen les cestes pa les 5 la tardi, más o menos. Y a partir d'ehí facemos el repartu.

Un saludín

Estes son les cestes

Buenes, chavalotes

Supongo que, o bien güei o bien en breve, tol mundiu tien en casa la primera tanda vexetales. Taría bien que la xente fora apuntando coses y dando impresiones, tanto les bones como les que vea a meyorar.

A mi en concretu, me sobrepasó un puquiñín el tamañu del percal. Contaba con que nun rebosara la cesta, y que fora más o menos afayaizu pa llevar andando y en moto, un par de cestes o tres. Y como vereis, ye evidente que nun ye'l casu.

Comentando con Araceli, diz ella que les cestes que-y aportamos son un poco pequeñes, sobretoo teniendo en cunta que cuando toque repartir fréxoles, ocupen más espaciu, y la cesta, a esi tamañu, va quedar curtia. A efeutos de mirar les cestes definitives, hai de tener en cunta que tienen de ser un poco mayores.

En cuantes al diseñu, y lo que en espaciu esu trae en cunta, diz la muyer que nun tien torga si aportamos cestos de mimbre, tela, espartu o lo que faiga falta. Namás ye cuestión de tener en cunta que la cesta aguante el pesu y que nun se deteriore pola humedá.

Por ciertu, que me dio unos sobres pa repartir con instruciones de conservación d'allimentos, qu'escaecí en casa y nun me dí cunta d'entregar. Almudena llevó una pa escaneala y ponela nel foru. De toles maneres, ya les faigo llegar a tol mundiu, pa que tengáis lo que preparó.

Me paez importante tamién que la xente opine un poco tantu el tema la cantidá como la periodicidá. Más que nada pa dir puliendo coses y axustando envíos y periodicidaes a les necesidaes de toos.

Hala, a xintar

Buen provechu

Visto que les cestes resulten pelín escases, pónense a disposición del grupu otres de castañu bastante más grandes, nes mesmes condiciones. Con too, y en vista de que les cestes ríxides paecen poco afayaíces pal xéneru vexetal, a nun ser pa legumes y frutes, lo mesmo yera una bona opción comprales d'espartu. Dígolo porque equí tuvimos manexando una que yera d'éstes y paez la más cómoda de llevar, lo mesmo llena que vacía, sóla qu'acompañada. Ye dicir, tirar del capachu de tola vida, el que llevábemos a Xivares cola tortiella. Voi averiguar precios, disponibilidaes y modelos nuna fábrica qu'atopé pela interné. Col vuesu permisu, si me lu dais.

Respective a la periodicidá, a min la mensual abúltame poca. Tamién ye verdá que ya regalé media cesta y que como ye la verdura en xeneral y les coses riques en particular les bases de la mio dieta, de llegame una quincenal, yo daría-y buxíu ensin torga nenguna. Pero entiendo que n'esti casu, meyor que falte que non que sobre. Igual podía pensase tamién en pidila cada tres selmanes, dos resulta mui axustao. Confórmome colo que venga.

Hola, ver si os animais y subís una foto de la cesta con todo lo que entró para hacerme una idea para el siguiente envío.

Saludos

En la fotuca que puso Xuan mas enriba pues facete una idea de como son, de toes maneres pa que les veas bien, pásote una de la cesta llena y otra con les verdures fuera, la llástima ye que así nun pues oleles---------Ah! falta la escarola, pero ye que ya la comí y una foto del estómagu en plena dixestión nun me paecía apropiada





[img][/img][img][URL=https://2img.net/r/ihimizer/i/hortalices.jpg/][/img]

Fui a ver la cestería que hay en Ovieu, tienen de toes les clases, hay una que iría muy bien pero a mi parlicularmente paezme cara, ye un leñeru, tienen de toos los tamaños y pueden facenos la cantidad que queramos, el preciu pa un de 30x55x35 seríen a 26€ y de 25x45x30 a 22€. dempués tienen los de castañu en una medida normalina a 11,50€, tienen pg web pero están faciéndola y trae pocu de toes formes ye www.lacesteria.org
Voy a intentar poner la foto, pero dadas les mios habilidaes informátiques igual nun la veis......
de toes formes la moza que taba ellí decía que lo que mas nos diba durar y dar millor resultau era el cestu castañu, teníen tamién los capazos esos si se ven en la web

[img][/img]

A mi me paez que'l capazu que muestra Almudena tien bona pinta. Igual un poco más gordu de la cuenta, pero bona pinta. Pero sí que paez un poco caru...

Pues sí que ta chulu esi capazu, Almudena, paez la cuenta. Pero tamién m'abulta un pelín caru...

Bones nueches, chavalotes

El prósimu envíu de perecederos tocaba pal 1 de marzu. Sin embargo, de lo que voi entrugando a la xente, paez que ya ta too finiquitáu. Como ya salió esti tema de adelantar igual cada pedíu a cada tres selmanes, y como paez que tol mundiu ya finiquitó la cesta (a mí namás me queda la coliflor, y la ventilaré esta selmana), quería comentavos a ver qué vos paez, adelantar esti envíu una selmana, pal 22 de febreru.

Comentad a ver qué vos paez, y yo voi ver si comento con Araceli, a ver si a ella-y vien bien.

Por min ta bien, dáse-y salida de sobra a la cesta, equí preferimos tres selmanes ente cestu y cestu. Y les que nun tuvieron la anterior, tan deseando recibila.

Eso, eso , que la mia debía tar mediu vacia porque nun queden mas que los furacos la cesta

Buenes, chavalotes

Ya tuve falando con Araceli. Ta dalcuerdu en montar cestuca pal llunes, asina que habemus verdura de prau pa entós. Recorda-y, vienres naranxes, llunes verdura

Del conteníu, me cuenta asina penriba que vendrá a ser más o menos lo mesmu.

Variaciones:
Posiblemente namás seyan dos cebolles (tan finando con elles, y nun-y queden munches).
Este paez que pue ser el caberu envíu de patates (ya nun quedan munches más)
Pue que nesta ocasión haya grelos en llugar de nabices, según tea la cosa.
Hai posibilidaes de que mos caiga un repollu
El conteníu concretu de la cesta, vos lo pongo en cuantes lo sepa

Nota, se agradecen recetes orixinales de repollu y grelos, que se salgan de los caldos típicos. Eso nun lo diz Araceli. Esto ye cosecha de mio.

Alba y David van tar fuera dende el llunes y pa ocho díes asina que nun van llegar a catar la cesta nes meyores condiciones . Hai dos opciones, o nun marear la perdiz y resolver el tema na sección "les del mio portal y yo", ye dicir, repartímonos entre les tres lo que vaya perdese y a ver si-yos queda dalguna pataquina pa cuando lleguen, o cambiar el pidíu a un cestu menos. En función de cómo-y venga a Araceli mudar planes, Xuan, déxolo nes tos manes, lo que seya menos mareala.

Home, por mi garramos la cesta igual.
La mercancía que puea aguantar una selmana, la guardamos pa estos mozos. Y el restu, podemos repartilu pa quien quiera. Yo cuento con que pueo garrar daqué pa mi má, que son más pa sentase a comer.

Nenos, los mios servicios d'espionaxe dieron resultáu. Ya teo la composición de la cesta pa esti llunes:

-2 CEBOLLES (pa la prósima sedrán cebolletes)
-2 KILOS Y MEDIU PATATES (con esti envíu, acabáronse)
-1 MANOXU PUERROS
-1 MANOXU BERCES RIZOSES
-1 MANOXU GRELOS O NABICES (SEGUN TEN)
-1 REPOLLU
-2 ESCAROLES

El preciu, el mesmu, 10 euros

Ya puen dir rulando recetes pal repollu...

Buenes, chavalotes

Igual que na otra ocasión, se agradecen comentarios de la xente, sol pedíu y demás. Tantu les coses positives como les que se vean a meyorar.

Por ciertu, Araceli diz que pa ella, igual tamién-y vien meyor lo de los capazos, meyor que los cestos de mimbre o asemeyaos. Diz tamién esta muyer que miró de mandanos les pieces que tuvieren meyor pinta, de lo que tenía de produción. Y que los grelos teníen de tar bien sabrosos.

Pues eso, neños. Opiná-y, que asina aprendemos toos.

Nosotros ya utilizamos las berzas para un pote asturiano, muy tiernas y ricas.
La escarola no es una verdura que a mí me haga mucha gracia, pero también la encontré rica.

Fran, anque la escarola a mín gústame y éstes que nos caen tan mui riques, ye verdá que ye una verdura bastante amarga y non mui tierna. Recomiéndote que pruebes un par de cosuques pa comela con más gustu. Una, ye echá-y a la ensalada frutes, trocinos de manzana o naranxa o de piña en almíbar y una cucharada de miel al aliñu normal d'aceite, vinagre, pimienta, en fin, lo que uses habitualmente. Otra ye facer ensalada caliente, cosa que yo faigo simplemente añadiendo depués d'aliñala un chorrín de nata líquida y un puñáu de quesu que funda bien y metiéndolo dos minutos pal microondes. Paecen chorraes, pero cambiá-y el sabor la tira.

Lo de la ensalada caliente nunca lo he probado pero lo probaré, ¿metes toda la ensalada en el microondas no?

Sí, écho-y aliñu, nata, quesu, revuelvo y too pa dientro. Tamién puedes echá-y más quesu per enriba y gratinalo nel fornu. Bon provechu