NOVEDAES PRE-FORMACIÓN DE GRUPU DE PERECEDEROS

Ver el tema anterior Ver el tema siguiente Ir abajo

NOVEDAES PRE-FORMACIÓN DE GRUPU DE PERECEDEROS

Mensaje  Xuan el Mar Ene 12, 2010 2:29 am

Vos cuento les últimes novedaes que teo sobre esti tema.

Ya teo apañáu lo del contautu col productor de perecedos. Una muyer que tien güerta pa Gozón y habitualmente vende nel mercáu d'Avilés. Comenté el tema y el tema de organización de distribución y demás, y paez que nun hai problema. En esti casu, ya la conocía de anantia, asina que nun paez que haya problema pa lo que comentaba, de que hubiera una mínima confianza y la meyor comunicación posible.

De precios nun falé, pero contando cola confianza, cuento que los precios seyan razonables. Ya sabéis que tratándose de productos de temporada, el preciu final pue depender de munches coses, de la cantidá producía, la calidá del pruductu final, la presencia o ausencia de temporales y tal.

Los productos son, pues esu, productos de güerta. Avisa de que agora nun habrá muncho pa distribuir, más que berces, nabices y eses coses, que ye lo que da la güerta agora. Asina que preparavos a facer caldos y potes varios.

Comenté que la idega ye que la cesta ta camentada pa un consumu individual, y en cantidá tal que con un consumu razonable, nun debiera perdese dengún allimentu. Vamos, que puea consumise normalmente los productos ensín que se pierda nada.

De mano, pedí que en cantidaes pecara un poco por defeutu, y que entamábemos con envíos mensuales, a ver cómo pitaba la cosina. Me paez más cómodo y económicu, dir de menos a más que non a la escontra. Diz que nel mercáu suel vender una especie de raciones individuales, como pa un consumu (ex, un ramillete de berces como pa un pote, un manoxu de tres o cuatro zanahories... eses coses. Tene-y en cunta que los productos de güerta se pierden enantes que los intensivos, asina que igual ye meyor entamar asina, que siempre vamos tar a tiempu de pedir aumentar el conteníu de les cestes. Además, entamando con cantidaes pequeñes, la xente pue dir viendo si ta conforme col xéneru, y eses coses.

Si les coses salen más o menos dientru lo previstu, mi idega yera dexar esta selmana y la que vien pa que se apunte xente, y a partir de finales de la selmana que vien, mercar les cestes y programar un primer envíu pa finales de xineru, o como muncho primeros de febreru.

Mira-y a ver cómo lo veis, y si dalgún, por ser familia, por compartilo con más xente non apuntada o porque seya un fartón del quince, quier pedir más d'una cesta, que vaya avisando, pa saber asina cuantes cestes van distribuise y preparar lo de mercar les cestes.
avatar
Xuan
Admin

Mensajes : 657
Fecha de inscripción : 06/01/2010

Ver perfil de usuario http://lacestina.forosactivos.net

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Xuan el Mar Ene 19, 2010 3:54 am

Una cosina.

Contaba con dir esta selmana con Susana a pillar les cestes, pa echar a andar el tema de perecederos. Supongo que los que se apuntaron como solos piden una cesta, pero tengo la duda de Gus y Ceci, y de Alba y David. ¿pa vosotros pillamos una cesta o dos?
avatar
Xuan
Admin

Mensajes : 657
Fecha de inscripción : 06/01/2010

Ver perfil de usuario http://lacestina.forosactivos.net

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Xuan el Mar Ene 19, 2010 10:02 pm

Buenes, chavalotes

Esta tarde tuve de turné faciendo la ruta Leroy-Merlin-LaCooperativa-Hipercor, con escales. Tuve mirando lo de les cestes, a la gueta de unes que foran a poder ser de mimbre o asemeyáu, barates y a poder ser, apilables más o menos fácilmente, tantu en vacíu como en llenu.

Estes son les que atopé, a ver qué me decís...

http://i16.servimg.com/u/f16/12/66/63/49/imagen12.jpg

http://i16.servimg.com/u/f16/12/66/63/49/imagen13.jpg

http://i16.servimg.com/u/f16/12/66/63/49/imagen14.jpg

http://i16.servimg.com/u/f16/12/66/63/49/imagen15.jpg

Los precios ronden pente los 7-8 euros y los 16. Aunque el más práuticu ye'l de plásticu (ye verdá) a mi me prestaba más una cosa más tradicional. Aunque los más chulos me paecen los cestos de mimbre en plan buenes soi caperucita, me paecen poco práuticos pa un grupu de consumu. A mi me presten más los cestos de castañu, que aunque seyan más bien pa apañar manzanes, y tean muncho fondo y poca superficie, me paecen perfeutamente apilables, y bastante apañaos pa garrar. A ver qué os paez...
avatar
Xuan
Admin

Mensajes : 657
Fecha de inscripción : 06/01/2010

Ver perfil de usuario http://lacestina.forosactivos.net

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Almudena el Miér Ene 20, 2010 12:57 am

A mi particularmente gústame el somenteru de toa la vida, de nun ser esi, el cuadrau, paez que tien forma de apilase millor que el de caperucita, pero malu de agarrar cuando te llenu, el de la Cape pa poner los de toos va ser complicau hasta pa que nos los traigan llenos, y el de plásticu niégome en redondu, sólo aceptaré si nun queda mas remediu
avatar
Almudena

Mensajes : 177
Fecha de inscripción : 09/01/2010

Ver perfil de usuario

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Yunai el Miér Ene 20, 2010 1:55 am

A mi paezme millor el goxu, por tradición, cultura y comodidá
avatar
Yunai

Mensajes : 4
Fecha de inscripción : 14/01/2010

Ver perfil de usuario

Volver arriba Ir abajo

escoyer cesta

Mensaje  Susana el Miér Ene 20, 2010 3:06 am

Escoyemos el que vendan na cooperativa, porque nos mola más esi comerciu. Dir a facer la primer compra al hipercor paezme un mal entamu. Si m'apuráis, hasta un pelín snob. Si dalguién tien a disposición cestos de los que tirar en llugar de mercalos, pues meyor. Al paecer la midía que tamos buscando ye d'unos 14 litros de capacidá, ye dicir, d'unos 14.000 cm cúbicos, pa que toos nos faigamos una idea. Somos un pelín anti-compres, per equí, tenemos esi y otros milenta defectos.

Susana
Admin

Mensajes : 398
Fecha de inscripción : 09/01/2010

Ver perfil de usuario

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Almudena el Jue Ene 21, 2010 2:01 pm

Defectu nun creo que sea, pero paezme un pocu difícil que daquién tenga cestos pa toos, y creo que será mas cómodu que sean iguales, nun vaya a ser que acabemos como en el cole "esti ye el miu....." tamién hay otra opción que seríen los plegables, tuve dando una vueltina virtual y hay algunos en tela que tamién podíen servir, aunque pa mi la primera opción, comprar los canastos de una vegada y ya tenelos pa siempre, ye la que mas mi presta, los que comentes de la cooperativa, pue ser que el comerciu sea millor, pero tamién tien que adaptase a nosotros, si entre los que tengan son paecios a los que nos gusten, por mi, sin problema, igual mi da, Hipercor, que el paisanín que los faiga en el pueblu de al llau, pero tien que ser prácticu, que al fin y al cabu, va acompañame en casa una buena temporada
avatar
Almudena

Mensajes : 177
Fecha de inscripción : 09/01/2010

Ver perfil de usuario

Volver arriba Ir abajo

a la gueta la cesta

Mensaje  Susana el Jue Ene 21, 2010 4:49 pm

Pónense a disposición del grupu siete cestos, ún por cabeza, iguales, fácilmente apilables y paez ser que del tamañu adecuáu. Tamién pueden transportase cómodamente na man o enriba la cabeza. Los pieses son el mediu de locomoción d'una bona parte del grupu. Nun sé si voi atinar a pegar la foto...

http://img683.imageshack.us/img683/3030/imagenuz.jpg

Pa la primer tanda, lleguen, podemos ponenos en marcha.

Procurar mercar coses fora del circuitu habitual de centros comerciales y demás paecióme ún de les preferencies del grupu, d'ehí lo d'optar por una cooperativa o un artesanu. Práctico, práctico, ye mercar nel súper de la esquina, y equí tamos tentando armar un circuitu propiu, echando tiempu y ganes n'ello.

¿Ye verdaderamente imprescindible que seyan toos clavaos? Ya se comprobó que nun ye fácil atopar de sópitu una cantidá grande de cestos xemelos nos mercaos habituales, de fechu de dalgunos modelos namás s'atopó ún y d'otros nun paecía haber más de dos o tres. De los que se miraron, nun hai suficientes. Y asina en toles partes, polo que tuve viendo y charrando con comerciantes que gasten cestos pa la mercancía d'ellos. Sedrá cuestión de siguir buscando. L'últimu recursu, supongo que sedrá tirase al made in taiwan, ye más fácil pero más feo.

Por otra parte, anque'l mio gustu personal va por tirame a los de castañu de cabeza, moralmente nun toi en posición de comprometer a nengún del grupu pa que meta 60 eurazos en mercar dos o cuatro cestos si tien en casa dalgún que-y pueda servir u opción a mercalu más baratu.

Claro que lo meyor ye lo más práctico pa toos, pero tamién prestaba que tol mundo quedara contentu.

Ye una gran idea el cestu de tela, de lo más llixero y fácil de guardar, nun sé si aguantaría humedaes y demás de lo que-y metamos dientro, pero a min asina de ópitu, gústame. Ánimu a toos, que tovía hai que buscar otros siete. Equí tamos tirándo-yles a un manites del barriu pa que nos los faiga, a ver si facemos diana, ya vos cuento.

Susana
Admin

Mensajes : 398
Fecha de inscripción : 09/01/2010

Ver perfil de usuario

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Xuan el Jue Ene 21, 2010 5:32 pm

Por mí, pa entamar, podíemos garrar la solución temporal que propón Susana, y tirar d'esos cestos por un tiempu. Si fora asina, si queréis, pueo falar con Araceli, la muyer de la güerta, pa que mos dea una primera distribución pa la selmana que vien o la siguiente. Como veais.

De momentu, como en principiu la cosa yera entamar con un envíu mensual, nun deberíemos tener torgues, porque esos plazos deberíen permitinos recibir, meter en casa y devolver los cestos con tiempu de sobra.

En cuantes a los cestos a apañar como cosa más duradera, a mi me paez importante que seyan apilables de 7 en 7. Nun ye por razones estétiques, sinon práutiques. Sobretoo, en cuantes al envíu por parte del productor. Ye fácil entender que-y facemos más afayaizu trasportar 7 cestes apilables, que puean ocupar un sitiu medianamente reducíu, que 7 cestes cada una de su pá y de su má, que aumenten enforma l'espaciu necesariu. Nun faería falta que les 14 seyan iguales, pero sí que haya 2 grupos de 7 que foran polo menos apilables.

Yo tamién soi partidariu de mercar meyor productu llocal, y sedría de cine que lo mercáramos a un cesteru. Pero hai de tener curiau de nun pagar la de dios por ellu, claro. Si daquién conoz daquién que pudiera faceles, sedría la de dios. Nun sé si nos mercaos mensuales que faen na plaza mayor hai dalgún cesteru.

A mi tamién se me ocurría la posibilidá de que les cestes nun foran presonales, sinon del grupu, como los cascos de les botelles anantia, o los envases retornables. Y de que pudiera facese usu d'elles mentantu se participa nel grupu de non perecederos. Lo digo porque, si fai falta, a mí nun me importa, agora mesmu, participar poniendo perres como pa dalguna más de les dos que me corresponderíen. Sedría como una especie de depósitu.
avatar
Xuan
Admin

Mensajes : 657
Fecha de inscripción : 06/01/2010

Ver perfil de usuario http://lacestina.forosactivos.net

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Almudena el Jue Ene 21, 2010 10:12 pm

Mas novedaes, acaben de comentame que en Posada hay un artesanu que los fai y que tien de toes les maneres, que tien la típica tienda de ultramarinos de anantes con cestos y too, pero que los fai tamién por encargu y que no ye caru, habláronme de 12€ o asina, yo paso por Posada dos diis por selmana, si vos paez bien puedo probar a buscalu y preguntar, que por eso tovía nun nos cobren. Y si sirvieren pa dir otros a velos tampocu hay problema, el taxista Almudena tien la bandera estropiciada y nun cobra la carrera.
Por ciertu........ aparte de Susana y Xuan, hay daquién mas en el foro? mira-y que vos vamos a comer la ración
avatar
Almudena

Mensajes : 177
Fecha de inscripción : 09/01/2010

Ver perfil de usuario

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Susana el Vie Ene 22, 2010 12:45 am

Aupa, ya tamos enveredaos, entós, a lo que se ve. Pela mio parte, creo que ficimos diana nel mio barriu tamién, tengo a un colega que ye mui curiosu coles manes pensando na meyor manera y material pa facer un cestu. Ye novatu nel ramu cesteru, pero doi fé de que como se ponga, puede facenos dieciséis cestos exactamente iguales, apilables, artesanales y baratos. Tamién tendría la ventaxa de que si dalgún se deteriora o dalguién más s'incorpora al grupu, tenémoslo chupao pa consiguir más cestos (iguales, apilables, etc).

Plazu nun-y dí, porque pel momentu paez que nos arreglamos. Tampoco nun falamos de preciu, anque ye una cosa qu'esti rapaz fadría por gustu, dende lluéu lo suyo sedría pagá-y los materiales y la mano d'obra, qué menos. Una inclusive tien pensao facé-y una tarta xigante, por dimpuestu y habilidosu. Personalmente, a min inclusive me prestaría aprender a facelos, pondreme de pinche-aprendiz, porque vese que la cestería artesanal ye un oficiu con futuru. Bono, paez que más barato y más a caprichu nun lo vamos a topar, anque voto por siguir recopilando contactos cesteros, por si acasu.

Atopar un cestu igual igual pa la consumiora nueva ye del too imposible. Pero siempre se puede tirar de la bolsa pal pan de tola vida hasta que tengamos los nuevos, paezme a min. En casa del ferruru, cuchiellu de palu... jajajaja, me parto.

Susana
Admin

Mensajes : 398
Fecha de inscripción : 09/01/2010

Ver perfil de usuario

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Almudena el Vie Ene 22, 2010 2:08 am

Hip hip hurra............yes la millor y eso que nun te conozco, cuando aprendas a facelos avisa que yo tamien quiero.......
avatar
Almudena

Mensajes : 177
Fecha de inscripción : 09/01/2010

Ver perfil de usuario

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Susana el Vie Ene 22, 2010 12:37 pm

Qué va, qué va, equí somos bastante torpes pa too, l'habilidosu sedrá'l que los faiga. Dende lluéu que toos los que-yos apeteza pueden practicar l'intrusismu profesional con esti rapaz nel ramu cestería, si a la fin resulta viable esti asuntu. Tovía nun se sabe cuánto pueden costar nin ónde y cómo mercar al por mayor los materiales, asina que taría bien siguir averiguando preciu y disponibilidá d'esi artesanu de Posada, o d'otros que conozamos, pa comparalos.

Too esto ye bastante más lioso que puxar el carrín nos comercios, cosa que toos facemos y nos saca de tropecientos apuros. Pero paez más chulo, y atreveríame a pensar que ta más d'alcuerdu colos enfotos del grupu. L'intercambiu d'habilidaes, d'información y de recursos, d'igual a igual, suel resultar más satisfactoriu. Tento desplicar el por qué de la postura pelín anti-compres...

Xuan, pela mio parte ta bien que trates cola proveeora el primer unvíu, pa cuando vos resulte más cómodo.

Susana
Admin

Mensajes : 398
Fecha de inscripción : 09/01/2010

Ver perfil de usuario

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Gustavo el Vie Ene 22, 2010 5:03 pm

Buenes tardes xente. Os envio el enlace de una gran superficie que no ye que sea muy de la casa, pero bueno, igual nos podia valer. Ayer por la tarde pase por alli y fijeme que tenien varios tipos de cestes. La mas economica parez ser la del enlace (6,99 euros). Tien ases y segun les medides que pon y faciendo el calculo de capacidad en litros rememorando los tiempos de la egb salenme 21,6 litros (nun se si lo fice bien). Un saludu. Gus.

http://www.ikea.com/es/es/catalog/products/30086605

Gustavo

Mensajes : 8
Fecha de inscripción : 10/01/2010

Ver perfil de usuario

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Xuan el Vie Ene 22, 2010 5:44 pm

Home, la cesta del Ikea, en cuantes a pinta, tien bona pinta. Pero asina dendi la foto, nun paez apilable.
De toes maneres, ye otra opción a tener en cuenta.
Aparte de Susana, confirmame si esu los demás a ver si vos paez bien entamar col tema la verdura, pa dir concretando.

Un saludín
avatar
Xuan
Admin

Mensajes : 657
Fecha de inscripción : 06/01/2010

Ver perfil de usuario http://lacestina.forosactivos.net

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Gustavo el Lun Ene 25, 2010 12:58 am

Buenes noches Xuan. En relacion al tema verdures, por nuestra parte p´alante con ello. Un saludu.

Gustavo

Mensajes : 8
Fecha de inscripción : 10/01/2010

Ver perfil de usuario

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Xuan el Vie Mar 05, 2010 3:27 am

Buenes, chavalotes

Tuvo la mi hermana echando un vistacín por una tienda de cestería que al paecer hai por Ponferrada. El paisanu la tienda diz que sí, que pue conseguinos los capazos, los 22. Al paecer, los precios de cada cesta rondaría los 10-15 euros. Ta pendiente la cosa de concretar el modelu concretu.

Diz que tendrá modelos pa ufiertanos a partir de unos 10 diis, y que en cuantes decidamos, en un par de diis los tendría na tienda. Nun daría tiempu pal prósimu envíu de les verdures, pero si somos un puquiñín áxiles pa elexir modelu, sí pal siguiente.
avatar
Xuan
Admin

Mensajes : 657
Fecha de inscripción : 06/01/2010

Ver perfil de usuario http://lacestina.forosactivos.net

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Xuan el Miér Mar 10, 2010 11:19 pm

Buenes, chavalotes

Tornó la mi hermana pola tienda cestera de Ponferrada. Tovía nun tien les muestres na tienda, nin catálogu actualizáu, pero el tipu cesta del que tan falando ye una cosina asina:




De preciu, tovía nun mos concreta preciu, pero sí que rondaría esos 10-15 euros por capazu. Contar que sedríen 2 por barba. Diz que hai posibilidá de que los capazos seyan con asa de eses que recuerren el cestu de llau a llau.

A ver si en cosa d'una semanina vos podemos informar más.
avatar
Xuan
Admin

Mensajes : 657
Fecha de inscripción : 06/01/2010

Ver perfil de usuario http://lacestina.forosactivos.net

Volver arriba Ir abajo

CAPAZOS - UVIEU

Mensaje  Xuan el Mar Abr 13, 2010 8:57 pm

Anduvo Almudena pela tienda los cestos d'Uvieu, La Cestería, y encargome que metiera yo les fotos y precios de lo que atopó...



Esta cesta tien asa corta por un llau, y asa llarga por otru, recorriendo la segunda tol capazu, entreveráu. Preciu: 9,50 euros




Esti cestu ye lo que veis, too fechu de palma, den la estructura fasta l'asa. Preciu 9,90 euros.




Y por fin, esti modelu, col asa de cueru. Preciu 9,95 euros.

Dempués d'esti pase de modelos, coles últimes novedaes de la temporada primavera-vranu na recoyía la verdura, agora ye momentu de decidise. Convendría que nun lo dexáramos muncho, más que nada porque los cestos que tenemos son toos prestaos, y tienen dueñu, y porque incluso uno de los cestos, con asa d'algodón, se descosió del cestu. Y nun ye plan d'estrozar material axenu...

Alcordavos que sedríen dos capazos por barba, digo por unidá de consumu. Total, 22 cestos. Al paecer, mos faen un 20 por cientu de descuentu, pol pedíu en masa y porque a Almudena fízo-y la boca un fraile.

Al paecer, ye bastante probable que pol modelu que mos decidamos tengamos qu'esperar un puquiñín, dependiendo de si lo tienen n'almacén en cantidá suficiente o non.

Venga, a ver que vos paez...
avatar
Xuan
Admin

Mensajes : 657
Fecha de inscripción : 06/01/2010

Ver perfil de usuario http://lacestina.forosactivos.net

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Almudena el Sáb Mayo 08, 2010 1:39 am

Mozos y moces........a esti pasu les cestes prestaes vamos a tener que devolveles vesties de terciopelo pa que cuelen igual de nueves que nos les dexaren, no vos paez que ya va siendo hora de elegir cestu? en cada enviu debe caer una ramuca de paxa y dexarennos cestos, no colaores
Si tamos esperando que con la crisis nos rebaxen mas..........vais apañaos!!!!!!!, a ver si va resultar que lo consideren artículo de lujo y vamos a tener que pagar el doble.......
avatar
Almudena

Mensajes : 177
Fecha de inscripción : 09/01/2010

Ver perfil de usuario

Volver arriba Ir abajo

Re: NOVEDAES PRE-FORMACIÓN DE GRUPU DE PERECEDEROS

Mensaje  Contenido patrocinado


Contenido patrocinado


Volver arriba Ir abajo

Ver el tema anterior Ver el tema siguiente Volver arriba

- Temas similares

 
Permisos de este foro:
No puedes responder a temas en este foro.