PATÉ DE PIMIENTU

1 pimientu grandón o 2 pequeños
3 quesinos en porciones o 1 yogur cremosu, cualisquier quesu blandín sirve
1 cucharada de margarina
3 dientes d'ayu
1 cucharadina pequeña d'azúcar
50 grs. aproximadamente de nueces
orégano, nuez moscada, aceite, sal

Pónse en un cazu a sofreir el pimientu en tires, con un puñáu d'orégano y nuez moscada. La cantidá va en gustos, yo écho-y a reventar.
Mientres tantu, va poniéndose nun vasu de batiora el lácteu, la margarina, el ayu peláu y les nueces. Améstase too cuando tea cocináu el pimientu, ensin escurrilo muncho, y al pasapuré o batiora. Huntadino en pan, caliente recién fecho, frío de la nevera o del tiempu, ta de muerte, ye una cosa que faigo con muncha frecuencia, d'entrante o de merienda, ye fácil y rapidísimo de facer.

Les medides d'ayu y especies hai que dir axustándoles al gustu de cada cual. Depués de muncho preparalo descubrí dos coses:
- Los pimientos del súper nun saben nin la mitá que los d'Araceli y Antón
- El día que se me quedaron un poco requemaos por descuidu, súpome meyor el paté, asina qu'agora doi-yos fuéu hasta que entamen a churruscase.