REMOLACHES EN CREMA

Susana Lun Oct 25, 2010 7:33 pm

500 grs. de remolacha
500 cl. de lleche
125 cl d'aceite
125 cl. de vinagre de Módena
sal y pimienta negra (otres especies al gustu)
quesu de cabra desmigaxáu

Pelar y cocer un pelín la remolacha, un cuartín d'hora, pa facilitar el facelo puré. Triturar les remolaches con too lo demás: aceite, vinagre y lleche. Si presta la crema más llixera, puede añadise un vasín d'agua. Salpimentar y especiar. Dexar na nevera un mínimu de 10 o 12 hores macerando. Triturar un par de rodaxines de quesu de cabra en cada platu, o bien una sóla rodaxa tostadina un minutín nuna plancha. Sírvese fríu, anque caliente igual nun desmerez tampoco, nun lo probé tovía.
Ye un platu cenciellu y pal mio gustu sabrosísimu. Bien tapao, dura na nevera la intemerata, cuidando d'echá-y el quesu cabra a la mesmésima hora de comelo. De fechu, voi prebar con estes medides, salvando'l lácteu, pa embotalo fecho puré y too.