GRELOS EN TARTA

TARTA DE GRELOS

1 fondu de masa de fueyaldre o quebrada...)
150 grs. de grelos cocíos y picaos
170 grs. de quesu rallao , lo que más preste
250 grs. de lleche
40 grs. d’harina
30 grs. de manteca
1 cucharadina d’aceite
2 güevos
50 grs. de nata llíquido
Sal

Espúrrese la masa de fueyaldre nun molde redondu engrasáu con un pelín de manteca. Hai que pincha la masa con un teneor per tola superficie, pa que nun suba al cocela. Y forneala a 180º un cuartu d’hora escasu. Sácase y apártase a templar.
Mientres, a facer el rellenu. Primero fayse una bechamel cola lleche, l’harina, la manteca, l’aceite y el sal. Cuando tea llista, ensin dexar de removela, añádese lo primero el quesu, los güevos ún a ún y a la fin, la nata.
A lo último, píquense los grelos, que tienen de tar cocíos y bien escurríos, mui pequeñines y échense al amestáu removiéndolo bien. Viértese too esto nal fueyaldre y a cocelo a 180º tres cuartitos d’hora o hasta que tea cuayao.