BEBIDA DE SOJA

Mediu kilu de soja blanco
3 llitros d'agua

Esta ye una cantidá a boléu, pa más o menos cantidá, namás hai que conservar la proporción, 1 parte de soja, 6 d'agua.

Remoyar la soja un día enteru, con agua que la cubra un par de deos per enriba. Triturala cola mesma agua hasta que quede como una pasta. Si queda mui gordo, añadir un pelín más d'agua. Volcar la pasta resultante nun colaor finu, con un recipiente embaxo pa recoyer la bebida resultante. Añadir poco a poco los tres llitros d'agua ferviendo a la pasta y asina, obtiénse la bebida de soja. La cantidá d'agua tamién depende de si gusta más o menos concentrada. Ferver el llíquidu resultante unos diez minutos, porque la soja ye una llegume, hai que la cocinar. Aguanta bien na nevera tres o cuatro díes. Pa da-y sabor, puede añadise canela, endulzala con azúcar o con vainilla. Tamién hai opción de convertila nuna especie de batíu echándo-y zumu o pulpa de frutes. Otra opción ye disolvé-y cacaos o echá-y unos frutos secos trituraos.

Yo vos doi opciones que fice...

- Llechi de soja con chocolate. Nun me quedó bien, porque usé chocolate de cobertura y quedó como si la llechi tuviera arenilla. Meyor cacau en polvo, me paez...

- Bechamel. Fice la preba el otru día. Nun ta mal. Tien un sabor distintu de la bechamel habitual. Eso sí, nel mi casu yo contaba que la llechi de soja yera muy llíquida y tenía que meter muncha fariña pa que la bechamel quedara consistente. Bueno, pues ye más bien al reves. Nun metais muncha fariña, porque la llechi de soja debe tener un poco de residuo del cereal, y ye más consistente de lo que paez...

Un truco. Al triturar y colar la soja queda el cereal como residuo. Nun lo tiréis, pues esi residuo tovía tien proteínes, fibra y otros componentes nutricionales. Estendé-y esi residuo nuna placa de fornu, a temperatura media, fasta que quede doradín. En cuantes tea secu o doráu, podéis guardalu na nevera y da-y dellos usos.

En concretu, yo fice arepes, que vienen a ser igual que los tortos de maíz, pero ensín dexar reposar la masa. Pa la masa use fariña de maíz y residuo de soja al 50%. Quedó una cosa bastante rica y se puen rellenar los tortos, pues salen abultaos pol centru, o acompangalu con dalguna salsa pelín picante, por exemplu.

Lo que da de sí la economía de subsistencia...