NARANXES PA TOOS

FLAN DE NARANXA

1 vasu de zumu de naranxa de la Ribera del Júcar...
1 naranxa de entera del mesmu palu
1 vasu d'azúcar
5 güevos
100 grs. más d'azúcar pal carambelu
gaxos de naranxa u otres frutes p'adornalo

Echar nun cazu 100 gs. d'azúcar con dos cucharaes d'agua y meté-y fuéu hasta que caramelice. Viértese too nuna flanera o molde asemeyáu hasta qu'enfríe.
Batir los güevos col zumu y el vasu d'azúcar unos minutines hasta que tea bien sueltino. Echar esti caldu na flanera encaramelada y cocelo al bañu maría cuarenta minutines hasta que cuaye.
Dexalo enfriar na nevera y comelo, per exemplu, con unos gaxinos de naranxa o unes fresines

PUDDING DE NARANXA Y PLÁTANU
4 naranxes de la ribera del Júcar...
6 plátanos
mediu llitru de lleche entero
100 grs. d'azúcar glacé
3 güevos
1 ramina o canutín de canela

Poner a calentar la lleche, l'azúcar y la canela. Cuando llegue a ferver, retírase del fuéu, déxase enfriar y cuélase. Mientres enfría, sepárense les yemes y móntense les clares a puntu de nieve. Pelar y triturar plátanos y naranxes y amestalo cola lleche, les yemes de los güevos y pa lo último, con cuidadín y ensin batilo muncho, les clares montaes. Metelo pal fornu precalentáu a 180º hasta que tea doradino, unos 50 minutinos. Tamién se pueden echar unos frutos secos pìcaos, almendres o asina y adornalo con gaxinos de naranxa una vez frío.

MERMELADA DE NARANXA

Hai munches recetes pa facer mermelaes, les de naranxa suelen ser bastante abegosines, elexí una de les más simples.
Pa un par de frascos
4 naranxes Ribera del Júcar
1 llimón
Canela
Un terciu del pesu de les naranxes en azúcar, meyor de caña. (La mayoría de les recetes que circulen falen d’echar como poco la mitá del pesu en azúcar, yo écho-y muncho menos, por nun prestame muncho les confitures mui empalagoses o si se trata de frutes ya mui duces)

Pelar les naranxes y llimones con cuidáu de quita-yos la piel blanca porque si non amarga. Cortalo too en trocinos pequeñinos y pesalo pa saber cuánto azúcar hai de poné-y. Ye bono tener la precaución de cortalo too enriba d’un platu pa nun perder el zumu qu’escurra.

Echalo too, fruta y azúcar, nuna olla y ponelo a fuéu mediu hasta que fierva 5 minutos y otros 15 a fuéu baxu. N’esi momentu apártense unos pocos trocinos de naranxa y métese-y batidora a lo demás. Devuénse los trocinos al preparáu ya trituráu, échense unes rames o canutinos de canela y déxase cocer too otros 45 minutos, con cuidáu de dir revolviéndolo pa que nun se pegue. Vais notar que va criando una espumina blanca per enriba, hai de dir quitándola cada poco con una cuchara. Una vez cocío, sácase la canela y pásase la mermelada a los frascos .
Pa conservalo mientres unos cuantos meses hai de facé-yos el vacíu a los botes. Lo primero ye esterilizar los frascos, fervelos en agua polo menos 20 minutos. Depués de rellenalos, ciérrense bien y métense al bañu maría con dos dedinos d'agua y un pañu dientro de la pota pa protexer los frascos. Depués de qu’eche a ferver, hai que dexalo otros 20 minutos. Ye bono tenelos boca abaxo 24 hores, p’asegurase de que faen vacíu. Depués d’abiertos ye bono conservalos na nevera.
Estes mermelaes tomen más sabor depués de tar envasaes un par de selmanes, pero ye raro aguantar tantu tiempu p’abrir el primer frascu.

Como toes les coses, la fruta al cocer mengua, y d’un kilu de naranxes puede sacase par de frascos como muncho. Pa más frascos, basta con aumentar les cantidaes y respetar les proporciones.

"CARPACCIO" DE NARANXA

Ingredientes:
1 naranxa "Ribera del Júcar" por persona
Aceite de oliva "El Maltés"
Pimentón dulce de la Vera
Sal marín (opcional)

Se pelan las naranxas retirando toda la piel blanca, que amarga abondo. Se cortan en láminas fininas y se disponen sobre una fuente o similar, bien extendidas, sin acorrupinar. Se riegan con abundante aceite y se espolvorean con el pimentón. Si non yes hipertenso puedes sazonalas un pouquinín y que aproveche!

Ahí va una de dulce y salado:

BACALAO CON ZUMO DE NARANJA

2 lomos de bacalao (no sé si sabeis que lo venden bueno congelado al punto de sal)
zumo de dos naranjas
aceite de oliva
pasas

Se pone un poco de aceite en una cazuela. Se dora un poco el bacalao, y se saca.
En ese mismo aceite se echan las pasas junto con el zumo y se deja cocer a fuego lento unos minutos.
A continuación poner de nuevo el bacalao. Nuevamente cocer 5 minutos, y ya está listo para servir.

Esto era bajo en colesterol. Si eso no os importa, el plato mejora si se reboza el bacalao, en vez de ponerlo a la plancha.