EVENTOS SOCIALES

Ver el tema anterior Ver el tema siguiente Ir abajo

EVENTOS SOCIALES

Mensaje  Xuan el Vie Mayo 14, 2010 5:04 pm

Mandome Rocío la información d'una charla que va dase n'Uvieu el 18 de mayu, a les 19:00. La charla la da Vandana Shiva, que al paecer ye científica, medioambientalista y ecofeminista. Polo que sal na convocatoria, ye una muyer mui volcada a niver internacional en toles hestories de comerciu xustu y mediu ambiente y en tolo que tien que ver con agricultura ecolóxica y respetuosa col mediu ambiente.


http://i63.servimg.com/u/f63/14/73/21/94/confer10.jpg




Me paez que podría ser interesante si dalgún de nosotros pue pasase, pa ver a ver qué tal ta la cosa, y facer de corresponsal o enviau especial, y dempués mos cuenta a los demás. Aunque nun ye que tea munchu tiempu llibre habitualmente, si a naide se-y arregla, yo pueo arrimame. Pero por mí, si otru garra el testigu y se pega un paseín, pues de cine, y asina participamos toos.

A ver cómo lo veis.
avatar
Xuan
Admin

Mensajes : 657
Fecha de inscripción : 06/01/2010

Ver perfil de usuario http://lacestina.forosactivos.net

Volver arriba Ir abajo

Re: EVENTOS SOCIALES

Mensaje  Susana el Vie Mayo 14, 2010 6:16 pm

Coime, pues sí que sedría interesante oyir a esta muyer. Equí teníemosla llocalizada por tener lléido va una montonera d'años un trabayu d'ella con otra muyer "Ecofeminismo: teoría, crítica y nun-sé-qué más". Tamién cayó nes nueses manes un ensayucu publicáu en Paidós, si nun recuerdo mal "Cosecha robada: el secuestro del suministro mundial d'alimentos", una exposición mui atinada de los efectos de les multinacionales de los allimentos nos pequeños productores y nel tercer mundu. Tien munchos trabayos, casi toos ellos centraos na crítica de la exportación forzosa al tercer mundu de tecnoloxíes científiques, cola disculpa de mata-yos la fame, y que nun traen otro que más probitú y destruccción medioambiental. Creo qu'anda metía hasta les tranques na pelea escontra los modificaos y en otres milenta guerres, siempre planteándolo too dende una óptica de xéneru mui atractiva, na mio opinión de profana en too lo qu'ella trata.

Igual vos suena tamién por formar ella parte del famosu movimientu Chipko, aquelles muyeres indies que se tiraron a abrazase a los árboles pa evitar que los talasen.

A la conferencia nun sé si podré dir, pero puedo prestar delgún llibru d'ella que debe andar por casa.

Susana
Admin

Mensajes : 398
Fecha de inscripción : 09/01/2010

Ver perfil de usuario

Volver arriba Ir abajo

Re: EVENTOS SOCIALES

Mensaje  Xuan el Jue Mayo 20, 2010 1:54 am

Buenes, chavalotes

Ayer me arrimé un ratín a escuchar a la muyer esta, que nun conocía de nada d'anantie, nin tenía referencies, nin bones nin males, más allá de lo que comentara Susana. Nun pude tar tola conferencia, pero sí un cachín curiosu.

La charra foi fundamentalmente rellativa a la biodiversidá biolóxica na agricultura en contraposición al monocultivu teunolóxicu y agresivu. Tamién dedicó un bon ratu a falar de les plantes modificaes xenéticamente, tantu les que se creen como más resistentes a les plagues, y les que se-yos incluye na planta ellementos plaguicides tóxicos). Y por últimu, faló d'esperiencies llocales na India, de movimientos ciudadanos y dio un visión optimista partiendo del individuo, que cola suma d'actitudes particulares pues llegase a camudar la sociedá.

Tomé nota de dalguna de les reflesiones que fizo y que me llamaron un poco l'atención. En dalguna nun toi d'alcuerdu, pero yo vos cuento lo que dixo esta muyer:

- Contaba que la industrialización del campu taba creando un problema de sexismu y xenocidiu sexista grave na India. N'agricultura tradicional, les muyeres indies al paecer ocupen el papel cabezaleru. Pero cola introdución de los tractores y maquinaria agrícola, esta tecnoloxía taba reservada a homes, y les muyeres dexaben de "contar" nel campu. Eso taba derivando nuna esclusión social de la muyer mui grave, mayor de la que esistía en zones agrícoles ensín industrializar.

- Falando de les plantes modificaes xenéticamente escontra les plagues, falaba de que na práutica nun yeren más que un recrudecimientu de les torgues. Al paecer, hai esperiencies contrastaes de que les plantes modificaes non solo nun eviten l'usu de los plaguicides convencionales, sinon que inclusu lo aumenten, al crear plagues "resistentes" coles que cada vegada ye más chungu terminar. Nesti terrén rajó la de dios escontra Monsanto, empresa que incluso yo ya conozo de otres hestories...

- Falando en términos un poco económicos, dicía que una esplotación de biodiversidá podía ser más productiva que un monocultivu tecnolóxicu. Aunque nel segundu pudiera producise más en cantidá, el beneficiu yera menor, porque la inversión inicial y el gastu d'entamu ye muncho mayor, llegando a dase casos (falaba d'exemplos na India) de produciones deficitaries. Por embargu, cola biodiversidá la inversión inicial pue ser mínima, casi nula, y tolo que se recueye ye por tantu beneficiu. Aparte, si se usaben semilles modificaes, na práutica esi mercáu ta domináu por 5 empreses en tol mundiu, colo que eso supón de riesgu de monopoliu y/o cártel económicu del seutor.

- Faló de dellos exemplos de revolución ecolóxica na India nos años 80, y como foron evolucionando. La que más me llamó la atención foi el movimiento de un grupu muyeres nel 81, qu'entamaron nuna rexión de la India a dir a abrazase a los árboles, pa tratar d'evitar un procesu de deforestación xabaz que taben viviendo na zona. Al paecer, el movimientu tuvu ésitu, y agora tresformose nun movimientu bastante potente de la esplotación de la silvicultura.

- Falando d'allimentos ecolóxicos y respetuosos col mediu ambiente, defendía que pa la sociedá nel so conxuntu yeren allimentos más baratos que la comida industrial. Y eso porque contaminen menos, llesionen menos al medio ambiente, eviten gastos sociales al dar un mediu de vida a colleutivos que d'otra mena quedaríen desfavorecíos, y tamién aforren gastu sanitariu, porque al ser habitualmente más sanos, eviten según qué tipu d'enfermedaes cróniques nes "sociedaes ocidentales"

- Lo último que vos comento, ye que en contraste colo que suel ser habitual de tolos movimientos ecoloxístes de tolos pelaxes, esta muyer yera bastante optimista, en cuantes a que taba convencía de que'l mundiu podía tresformase d'abaxu enriba, a través d'iniciatives individuales y/o pequeños colleutivos. Dicía que igual nun conseguíen camudar les grandes polítiques, pero creaben el caldu de cultivu pa que la sociedá nel so conxuntu reclamara nueves medíes. Me paez que a esu lo nomaba "democracia de la tierra"

Y con estu ya vos dexo el rollu. Namás quería comentávoslo, pa que supiérais un poco de qué fue la cosa, por si tenéis interés.

Un saludín
avatar
Xuan
Admin

Mensajes : 657
Fecha de inscripción : 06/01/2010

Ver perfil de usuario http://lacestina.forosactivos.net

Volver arriba Ir abajo

Re: EVENTOS SOCIALES

Mensaje  Contenido patrocinado


Contenido patrocinado


Volver arriba Ir abajo

Ver el tema anterior Ver el tema siguiente Volver arriba

- Temas similares

 
Permisos de este foro:
No puedes responder a temas en este foro.