ENFOTOS DEL GRUPU - GRUPU DE CONSUMU

Más que normes de grupu, o grupu de consumu, apetecíaseme dexar escrito una especie d'entamos orientaores solo que podría ser la razón de ser, el por qué xurde estu y qué se pretende. Tamién quería comentar un par de cosuques que me paecen de sentíu común, pero que nun tá de más que se tean presentes.

Esti grupu de consumu xurde colos siguientes enfotos:
- Tender a mercar productos de consumu diario de calidá, especialmente de calter allimenticiu. Na cesta la compra habitual, cá vegada atopamos productos sustitutivos de los vieyos, en munches ocasiones de peor calidá y con menos sabor que los sustituyíos.
- Tender a mercar direutamente a los productores, evitando intermediarios na medía de los posible. Un escesu d'intermediarios sube'l preciu de los productos escesivamente, siendo munches vegaes el productor el menos favorecíu por ellu.
- Tender a mercaos y productores llocales
- Tender a mercar por un preciu xustu. ESti grupu xurde de xente normal. Millonarios nun somos. Evidentemente, mercar productos de cierta calidá tien un preciu, pero la idega ye que falemos de precios asumibles por xente normal, y abaratar costes na medía de lo posible.
- Mercar productos en granel siempre que seya posible, col oxetu de facer usu del menor usu d'envases posible y reciclar los propios.
- Tener en cunta la esistencia de productos "ecolóxicos", o "de comerciu xustu", o similares. Esti grupu nun parte col requisitu de mercar productos ecolóxicos o comerciu xustu, pero sí que sedría bona idega tener en cunta la so esistencia, saber de los sos precios y, si los miembros del grupu tan interesaos, incluyilos na cesta de consumu.

-