LA CESTINA
¿Quieres reaccionar a este mensaje? Regístrate en el foro con unos pocos clics o inicia sesión para continuar.

Buñuelos de calabaza

Ir abajo

Buñuelos de calabaza Empty Buñuelos de calabaza

Mensaje  Xuan Miér Dic 29, 2010 2:56 am

Pues esti ye un postre al paecer típicu de Valencia en tiempu de falles. Ye bien facilón de facer, y me paez que mui agradecíu. Yo aconseyo prebalo a ver si vos presta.

Esta ye la receta:
INGREDIENTES
- 1 KG calabaza
- mediu kilín fariña
- 5 gr llevaura
- 125 gr azúcar
- mediu llitru agua o caldu de cocer la calabaza

PASOS A SEGUIR
1. Se pón a cocer la calabaza, pelada, fasta que se ponga blanda como pa poder triturala. Dempués se tritura (yo lo fice pol pasapurés, porque asina quedan dempués traces de la calabaza, y pa esti platu, pal mi gustu, queda meyor)

2. Amestar la fariña, casi tol azúcar, la llevaura y l'agua (yo eché l'agua de cocer la calabaza). Queda un engrudu un tantu llíquidu. Dexar reposar una media hora, más o menos.

3. Amestar la calabaza triturada col engrudu. Queda un engrudu naranxa bastante densu, ensín llegar a ser una masa, dependiendo de la cantidá d'agua que se usara.

4. Freir por porciones o cucharaes n'abundante aceite, como facemos pa les picatostes. La receta qu'atopé por interné falaba de que debe poder facese un furacu en mediu, pa que quede como un donut. Nel mi casu, l'engrudu taba un pelín llíquidu pa eses delicadeces.

5. Si se quier, pue espolvorease con un puquiñin d'azucar, canela o asemeyáu.

NOTA: con eses proporciones salen buñuelos como pa una boda. Igual podéis incluso rebaxar porciones pa nun tar comiendo buñuelos tola selmana. Tamién se pue invitar a los vecinos de puerta, nun sé, o invitar al restu la xente la cestina. Yo por proponer...

Esti foi el resultáu de la receta, nel mi casu:

Buñuelos de calabaza Imagen10
[img][/img]
Xuan
Xuan
Admin

Mensajes : 657
Fecha de inscripción : 06/01/2010

https://lacestina.forosactivos.net

Volver arriba Ir abajo

Volver arriba

- Temas similares

 
Permisos de este foro:
No puedes responder a temas en este foro.