Con un palu de avellana...

Neños, acabo mirar una dudina que tenía...

Esti sábadu ye'l festival de l'ablana n'Infiestu

http://www.infiesto.com/avellana

Alcuérdome, que fai años fui a ver cómo taba la cosa, y les paisanes ufiertaben vender el sacu, un tantu más baratu que por kilos sueltos.

Acurríaseme que podíemos xuntanos na cestina y garrar un sacu. Nun recuerdo si yeren sacos de 20 o 25 kilos. Y los precios los ponen cada añu. Total, que sería decidise un poco sola marcha. Pero si nos xuntamos unos cuantos, me paez una bona oportunidá pa garrar productu de calidá, direutamente a la paisana de la finca, y de paso promocionar lo fechu n'Asturies.

Les ablanes, tando en seco, duren la de dios, ya sabéis, y pa dulce y salao dan muncha vidilla.

Yo por mí apúntome, a lo que faiga falta pa mercar sacu. Por mi, si somos unos cuantos a apuntanos, y teniendo en cuenta cómo ye la cosa, y que les ablanes nun caduquen, podíamos namás apuntanos y dempués, según los que seamos y les necesidaes de cada ún, pues repartimos el sacu.

¿cómo lo veis?

A mi las ablanas gustanme mucho, así que me apunto

Despistáu que ye ún...

Pues resulta que non, que lo del festival de la ablana nun ye pa setiembre, sinon pal primer fin de selmanda d'ochobre. Vamos, que falta un mes tovía.

Eso sí, yo, presentar, presenteme el sábadu pol Infiestu como un campeón... pa guardar cita pal mes que vien, 2 y 3 d'ochobre

Pues eso, que tenéis tiempu de sobra p'apuntase. Carmen de casa Carmen y Carmen Villablino tamién se apuntaben a compartir sacu.

Val, yo tamién. Nun sé cuánta cantidá nin qué preciu, a lo que toquemos paezme bien.

Tuve mirando, y ya se sabe a cómo venden el kilu

Al paecer, el preciu del kilu ye a 5 euros. Lo que queda por saber, ye si habrá manera de negocial coles muyeres un preciu inferior, mercando un sacu...

Mañana vos cuento.

Nenos, ya teo les ablanes

Al final la cosa nun fui esautamente como esperaba, pero fice l'apañu. Merqué 15 kilos d'ablanes, y el kilo mos salió a 4,5 euros.

Apuntáos tábemos Susana, Rocío y yo. M má y la mi hermana sé que daqué garraben, y teo en duda de si Almudena y Yunai garraben.

Dir diciendo cuántos kilos queréis, y voi faciendo los repartos...

A mín ya se sabe qu'ente 100 gramos y 10 kilos, a lo que toquemos. Absorvemos fruta seco la qu'haya disponible, verdes o seques, les que toquen.

Susana escribió:A mín ya se sabe qu'ente 100 gramos y 10 kilos, a lo que toquemos. Absorvemos fruta seco la qu'haya disponible, verdes o seques, les que toquen.

Toi contigo...les que toquen

Colo que tuve falando con vosotres, me paez que la repartición pue ser una cosa asina:

- Rocío, 3 kilos
- Susana, 3 kilos
- Almudena, 2 kilos
- Carmen - Ponferrada, 3 kilos
- Carmen - Casa Carmen, 1 kilín
- Servior, 3 kilos

Les ablanes les hai de dos tipos. Les seques y les que tan un poco verdes. Intentaré repartir pa que haya un poco de too pa tos. Nun me puse a pesalo, pero me paez que la mercancía bien abundante, asina que ye fácil que los pesos reales seyan un poco mayores.