LA CESTINA
¿Quieres reaccionar a este mensaje? Regístrate en el foro con unos pocos clics o inicia sesión para continuar.

CONSERVA DE TOMATE

2 participantes

Ir abajo

CONSERVA DE TOMATE Empty CONSERVA DE TOMATE

Mensaje  Xuan Lun Sep 20, 2010 9:41 pm

Pa facer la conserva de tomate, tuve mirando unes cuantes recetes por interné. Hai dalgunes variantes y tal, pero más o menos podía facese un resumen asina...

Basicamente, pa facer la conserva hai de facer tres procesos distintos:

1) Esterilizar los botes. Consiste en meter los botes abiertos y les tapes dientru d'un recipiente con agua, a ferver. El procesu se fai pa conseguir botes estériles, y evitar cualquier proceso que pudiera atacar la conserva. Como de lo que se trata ye de matar bacteries a base de calor, unos 10-15 minutos en agua ferviendo son más que suficientes...

2) Preparar la conserva propiamente dicha. Si se meten los tomates enteros, primero hai d'escaldalos pa quita-yos la piel. Pa escaldar, facéis un corte superficial en forma de cruz na parte baxa del tomate, y los meteis en agua ferviendo. Se saquen en cuantes la piel se vaya "arrugando" (se nota sobretoo onde se fizo el corte). Si tovía nun vos quemásteis les manes, quita-y la piel al tomate. Esi tomate, asina tal cual ta, pue metese ya pa conserva. Hai quien echa un poco d'agua, sal, vinagre o aceite nel bote, pa tapar el tomate en llíquidu y que ayude a la conserva. Pero nun fai falta añadir nada, en too casu basta con apretar un poco los tomates pa que suelten su agua, y esi mismu llíquidu sirve de conservante.

Si se fai conserva con pisto, o salsa tomate casera, o asemeyau, dempués d'escaldar y pelar los tomates hai que sacalos bona parte del agua que lleven, porque si non la salsa queda llíquida. Esi agua que suelta nun lo tiréis, que sirve pa preparar un arroz en otru momentu pa chupase los deos...

Se faiga salsa tomate o se metan los tomates enteros, nunca se debe llenar el bote que se va facer conserva. Hai de dexar cosa d'un dedín ensín rellenar, más o menos.

3) Se rellenen los botes, se tapen y se meten zarraos de nueves en agua a ferver, cosa de 20-30 minutos, más o menos. A botes más grandes, más tiempu ferviendo. Ye n'esti procesu onde se forma el vacíu nos botes. En tapes blandes, se nota el vacíu porque la tapa queda un pelín metía pa dientru.

Al sacar los botes, ye bono tenelos un dii más o menos bocabaxu, pa que quede bien fechu el vacíu.


Susana ya puso per equí la receta pa la conserva, falando de les naranxes, pero yo la cuelgo per equí por si acasu. Facer la conserva lleva bastante tiempu, yo eché un par de tardes pa 15 kilos, más o menos, colos cuatro fogones prendíos. Pero dempués, nun me digáis que non, que lo de tener salsa tomate caseru por casa... ye la de dios.

Alcordavos que la conserva zarrada, si quedó bien fecha, aguanta cosa de 1-2 años a temperatura ambiente. Evidentemente, meyor en sitiu a escures y secu.

Pues esu, a disfrutalu...
Xuan
Xuan
Admin

Mensajes : 657
Fecha de inscripción : 06/01/2010

https://lacestina.forosactivos.net

Volver arriba Ir abajo

CONSERVA DE TOMATE Empty Concentrando al tomate

Mensaje  Xuan Jue Ago 25, 2011 12:48 am

Na receta de la conserva puse que yera perimportante quitá-y l'agua al tomate, si se quier facer salsa tomate en conserva. Y tamién vos comenté lo riquísimu que ta esi agua si se usa, por exemplu, pa echalu al arroz pa cocer.

Pues bien, l'añu pasáu pasome que me fice con más "agua de tomate" del que podía consumir, y na nevera nun aguanta muncho, porque enseguida arrancaba a ponese feo. Total, qu'esti añu ocurrióseme poner el llíquidu a evaporar, pa facelu concentráu y conxelalu. Por un descuidu, evaporose más de la cunta, y quedó un poco quemáu pol fondu. Pues bien, el resultáu quedó espectacular. Queda un llíquidu pastosu marrón, con un sabor mogollón de concentráu. Bien a ser como una pastiella concentrada, vamos, pero claro, ensín más ingredientes que'l propiu agua los tomates, y puntu.

Fice la preba echándo un puquiñín al arroz. Merez muncho la pena.
Xuan
Xuan
Admin

Mensajes : 657
Fecha de inscripción : 06/01/2010

https://lacestina.forosactivos.net

Volver arriba Ir abajo

CONSERVA DE TOMATE Empty Re: CONSERVA DE TOMATE

Mensaje  Susana Vie Ago 26, 2011 10:41 am

Sí, yo tamién probé col agua que nun toca meter nos frascos de conserva tomatera. Y sí, resultó un caldu mui ricu pa cocer arroz y pastes. Pero esi reconcentráu/requemáu ya ye l'aprovechamientu total, a ver si atino a facelo adrede y non por descuidu. Y una que ya hubiere renegao de les pastielles saborizantes pa siempre...

Susana
Admin

Mensajes : 398
Fecha de inscripción : 09/01/2010

Volver arriba Ir abajo

CONSERVA DE TOMATE Empty Re: CONSERVA DE TOMATE

Mensaje  Contenido patrocinado


Contenido patrocinado


Volver arriba Ir abajo

Volver arriba


 
Permisos de este foro:
No puedes responder a temas en este foro.