XORNAES D'AGRICULTURA ECOLÓXICA , 2 Y 3 D'OCHOBRE

Anque falta una montonera de tiempu, apunto equí estes xornaes en Monte Deva de les que m'acabo d'enterar, por si depués escaezo comentalo. Hai un mercáu de productos ecolóxicos, degustación y unes cuantes charluques. Dende lluéu que puede ser un bon momentu p'atopase con dalgunos productores asturianos que puedan interesanos.
N'esti tema d'atopar productores, creo que la Interné nun va danos pa más, o meyor dicho, que nun da pa casi nada, y que p'atopar coses interesantes ensin intermediarios, habrá qu'entamar a rular de mercáu en mercáu.

Póngovos el link de les actividaes del Monte Deva, ésta en concretu sal na pax. 14 y ss.
http://www.gijon.es/documentos/Departamentos/MA/Monte%20Deva/guia%20final.pdf